高雄、墾丁三天自悠行

台北我去了2次，昆西仲誇張,先後已去了6次，所以從來無諗過會再去台灣！今次，我地去同昆西的同事(1男3女)共5人去添！

出發嗰日剛遇上香港掛黑色暴雨警告，早上搭巴士去機場，就連坐嗰架巴士都大雨滲水，搞到我地十分狼狽。一到機場就聽到黑雨警告，心想：「唔係咁大整蠱，黑雨啲飛機會唔會停飛架？」終於我地當日班機遲左1小時多先起飛。。(第二日响台灣睇報紙，先知香港落雨搞到好多地方水浸，去機場的交通一度「攤緩」，有啲飛機班次仲取消添！

今次搭港龍早機，去到已經11點幾，一出門口我地就周圍搵車出市區，有的士司機聊我地NT 300一架(我地6個人，台灣的士只可載4個人，所以叫2架)，其實可以搭地鐵，好似只需20分鐘，不過出境大樓同地鐵的距離實在太遠，所以只好放棄。

天氣十分之好,好猛太陽，果然稱得上為台灣最南的地方。第一站當然返酒店先安頓行李，然後就膽粗粗拎住張地圖就行。

第一站 ─ 當然係醫肚，大大碗牛肉麵NT 120，大大杯珍珠奶茶NT 120。好味！

第二站 ─ 食飽飽當然唔介意行，不過實在太熱，睇地圖唔係咁遠，行落先知自己「