美食之旅

俗語話：「有咁耐風流，有咁耐折墮囉：」上星期只不過拎咗2天假，去了上海玩4日，返嚟之後日日做到PAR街，仲病埋，真攞命！

衰嘢唔講，一講開個TRIP成個人都即刻開心番晒。呢個真係真真正正嘅「美食之旅」，一日食足8-9餐，唔夠2個鐘又搵嘢食，睇嚟我同昆西都係時候要「減吓磅」喇！今次上海之旅感覺好好，內地的發展真係「一日千里」！以前細個有不愉快經歷，所以一直好怕返大陸，又因為「洗手間」的問題令我卻步。不過，宜家真係好咗好多,DETAIL唔多講，只係ROUGHLY話俾大家聽今次行程的ITERNARY：

香港(12:40PM)起飛 => 上海浦東機場(3:15PM) => 酒店 (5:30PM因為好好好塞車) => 新天地 => 鼎泰豐DINNER => 食飽飽喪行5粒鐘至外灘睇夜景 => 和平飯店 => 飲COFFEE => 「無限度」商場霄夜 => 酒店

地道小館「永和豆漿」食早餐，$6食一打小籠飽 => 步行至靜安寺 => 上海金茂君悅大酒店 =>87樓CLOUD 9飲嘢 (晨早流流HEA足成粒鐘) =>  豫園 => 綠坡樓LUNCH => 徐家匯 => 教堂 => 衡山路食TEA => 夏麵館食麵 => 好飽行唔郁 => 打的返酒店攤抖 => 一行5人腳底按摩 => 新天地蒲 => 地館小食霄夜$3碗6粒雲吞，$2杯豆漿 => 酒店

酒店周圍行吓 => 人民廣場 => 上海大劇院 => 上海城市規劃發展館 => 新天地 => 新吉士 (不過下午2時收爐，所以無得食) => 鼎泰豐 => VISAGE食HIGH TEA (好飽好飽！) => 酒店 => 打的去龍陽路送其他人搭磁浮列車 => 再外灘睇夜景，散散步，吹吹風 => 小南國食DINNER (環境一流，我哋仲食到包場添！) => 酒店攤抖

酒店出發 => 上海多倫路睇文物保育同社區持續發展 => COFFEE BEAN食LUNCH (3杯嘢飲，1份三文治，1份沙律，1件CAKE，盛惠$180，好貴呀！) => 徐匯區搵故居 => 徐家匯「港匯廣場」食老上海飯店 => 打的返酒店 =>  搭磁浮列車去機場 => 8:40PM起機 => 10:50分著陸香港機場 => 11:15拎咗行李走人 => 打的返屋企 => 12AM正返到屋企 => 1點鐘上床

行程非常緊密，4 日肥咗5磅。一句：「食得招積、住得舒適、遊得出色、旅遊超值─ 旅行記住搵PATRICK YEAH！！」