古巨基Magic Moments演唱會2007

2007年9月8日 ─ 晴天

前一晚同阿賢阿姐去左新都城食完dinner，仲買左「聰嫂」糖水做飯後甜品，食完之後都不知幾滿足，因為差不多我要响阿賢屋企「企足」成粒鐘先落到格。阿賢有隻新XBOX 360「打乒乓波」，啲GRAPHIC做得好似，好靚！玩落都OK易玩,只不過走位走起上嚟「攞位要再準D先OK」！打咗陣機，仲睇埋阿賢剛剛租既「戲王之王」，我唔係好識睇，不過就FEEL到呢套戲背後都有啲「MEANING」想DELIVER嘅，再深層啲就唔識喇！

第二朝起身已經差不多一點，過左媽咪屋企同朱古力沖涼「洗白白」，每次見到佢「彈吓彈吓」咁走埋你度，真係成個人都開心晒！我諗小動物就係有呢種「魔力」啩？夜晚同昆西去睇「古巨基演唱會」，其實我地兩個都唔係佢既「FAN屎」，不過好耐都無去聽過CONCERT，撞啱同事有TICKET出讓，所以咪睇吓，費時搞到自己咁OUT嘛！成日唔出去蒲吓，個人會「發霉」架！

個晚坐58段第13行，當然唔夠坐10行以內近，但橫掂我都唔諗住同基仔推手，就連影相機都無帶，純粹想聽吓佢啲歌，所以都OK！我地斜少少前面坐住一大班「自由人」，佢地拖男帶女，有老有嫩，初頭仲以為係啲「乜乜廣州/深圳歌迷會」，點知一人拎住部DIGITAL CAM係咁影，左影加影，自己一班人又影，失禮晒！最攞命係佢地仲每人吹住雞，感覺好似10年前睇SHOW一樣，好「火羅」！乜宜家啲自由團包埋CONCERT，仲係行程既一部份添！