我想要啲乜？

2007年7月30日 ─ 天氣酷熱阿大佬

自從7月頭由北海道返黎之後都無再update個blog，因為「疏符」完之後，就係一輪「慘不忍睹」既地獄式煎熬。日復日，工作永遠都見唔到有「曙光」，差不多已經晚晚踩行油行OT，但係枱面上既一切依然「絲毫不動」，幾努力都只係清到「面個浸」，死未？今晚九點先向公司走人，唔係因為做完今日既野，只不過係終於READ晒今日收到既EMAIL罷了，URGENT個啲就SEND左出去先，未被老細追個啲就時運高「聽唔到」。同事J既REPLACEMENT6號返工，聽講以前向「經濟」做記者，都唔知點解我地啲HR咁鐘意請REPORTER，難怪要求既人工會平啲？今次我都只係持「觀望」態度，等呢位新同事K頂得住3個月probation先算，免得又令我傷心多一次！

聽同事講「變形金剛」好好睇，比HARRY POTTER好睇好多添！本身對機械人無乜偏愛，亦對「變形金剛」無乜印象，不過拍到好睇自然有佢優勝之處，所以都PLAN左今個SUNDAY同昆西睇。都想睇3D HARRY POTTER，不過仲係好FULL，CHECK左ONLINE TICKET要等到8月22日先有位，仲要係朝早10點幾早場，死未？

星期六去做counselling，醫生問我：「你最想要啲乜？」我好認真咁去諗，過左5秒，我跟她說：「我想正常番！我唔想睇醫生，唔想成日唔舒服，唔想呢樣，唔想個樣。。。」我同佢講成日都會忽然之間覺得好驚，周圍黑晒咁，雖然未至於怕向人群之間，但感覺到成個世界就好似得番自己一個人一樣。呢個THERAPY係ONGONG做，無計！壓力實在太大，有時令我真的有點兒透不過氣，但唔做野個份INSECURE的感覺仲勁烈，一句講晒：「範賤」！

上兩個星期向書展買左幾本書睇，FOR ONE MORE DAY 絕對值得推介！