Day 1 - 札幌

2007年7月4日 ─ 星期三

唔想浪費任何「寶貴」時間，所以一開始就決定搭直航機，早上9時40分起飛，到當地都只不過係下午3時15分，一心諗住仲有半日周圍逛。所以一到埗就「拿拿臨」拎行李「閃人」，點知俾hotel既shuttle bus「跣鑊金」，4時10分開車，「左兜右兜」向6時10分先「欄」到KEIO HOTEL，呆坐了2個鐘！落車之後我諗都唔諗就跟昆西講，走個日打死都唔再坐SHUTTLE BUS去機場，即使PACKAGE包埋接送，同時慳番每人1000 YEN一程，之但係坐特急「機場快線」一程都只係1040YEN，加多300YEN 「指定席」計落仲有SO！呢D情況，時間用錢買番黎又何妨？一陣坐到「嘔」咁點算？

個天可能知道我地好「慶」，所以臨尾醒我們今晚間房UPGRADE至EXECUTIVE ROOM！雖然算不上豪華，但聽昆西講日本D酒店又細又迫，所以一見到呢個房時，已經開心到跳起！牙膏、牙刷呢D STANDARD野梗有，就連浴鹽都係SHESIDO,軟LUM LUM既毛毛拖鞋、SHARP LCD電視、PANASONIC空氣淨化機、KOSE出品既沐浴及洗頭水，一句講晒：「正呀」！！

望望錶已經6時30分，時間無多所以立即「鬆人」。因為要趕明天8時04分既特急LAVENDAR EXPRESS去富良野，所以一支箭咁標去JR札幌站換JR PASS (JR飛已經向香港JAL俾左錢)兼訂埋位，費時無位坐咪大劑！成個幾鐘頭火車，絕對唔講得笑架！我地撞到另一對由香港男女，大家都係「懵吓懵吓」，場面搞笑！

之後梗係「醫肚」先，所以我地去左ESTER 12樓既「拉麵共

和國」食一碗真真正正既「札幌拉麵」。兜左一個圈，終於揀左間最多人食個間，我叫「醬油拉麵」750YEN，而昆西就叫「鹽味拉麵」700YEN。我個碗(左圖)較「濃味」，而昆西個碗(右圖)D湯就清d，但咸左少少，不過兩款都咁好味！！

花20分鐘食完碗麵即閃落9樓UNIQLO，睇書知道日本價錢就如香港既6至8折，梗唔會錯過啦！而且摸落D手感唔差，款式又多，顏色又齊，比GAP好好多，所以出血咁買，搞到8時先捨得走！

之後去左「雪印」食雪糕，老實講碗麵都未落格，邊食得落？不過講明黎北海道「搏老命」，點都要食算係「到此一食」嘛？所以2個人SHARE一個VANILLA CONE，承為300YEN，好香好清既牛奶味，完全唔甜，不過無香港個D咁CREAMY囉！

行行下有位「架嬸嬸」行埋黎，用D半咸淡既英文問我：「想去邊？」，我答：「時計台」，佢二話不說就替我地帶路，仲幫我同昆西影左張今次旅行唯一一張「合照」，臨走前佢同我地說：「HOPE YOU'LL HAVE A NICE VACATION IN HOKKAIDO！」嘩！成個人WARM晒！好SWEET呀！

北海道─我愛上你！

再行了20分鐘終於去到聞名已久既「狸小路」手信街，已經差不多9時，鋪頭已經陸續關門。。。吓，唔係嘛！咁早收工既？話晒都係旅遊區喎！「狸小路」總共有7段，我地來回兜左一轉就已經10時多，樣樣都想買，但一心諗住：「今日第一日啫！唔駛咁急」所以係咁忍手唔買，點知。。。宜家就黎後悔！！一路行去到「薄野」區，仲唔打唔撞就去到「阿賢」話買羽毛球拍同波衫既「川中スポツ」，好可惜人地八時「收鋪」，需要明天請早喇！

「薄野」區好旺，周街都係人，仲有好多「醉酒佬、醉酒婆」，霓虹光管燈箱一街都係，多到阿媽都數唔清！

沿途見d「美少女、美少男」周圍向人送「卡片」，條街鬼死咁大風佢地仲著得「薄CHI CHI」，見到都替佢地凍！弊加火！掛住玩唔記得仲未打返屋企報平安。走入去CONVENIENCE STORE買電話卡，D人又唔識得講英文，好彩昆西講得兩咀，加埋BODY LANGUAGE先買到，但向PUBLIC PHONE用唔到，只好返酒店打，激死！

成11點啦！都仲未搵到地方食DINNER，去左旅遊書介紹「活一鮮」,向NOBERSA MALL，入去時人地已經差不多LAST ORDER，我地「狂風掃落葉」咁點左8-10碟有海膽、吞拿魚、劍魚等等，D海膽正到暈，入口清甜，自問唔係「海膽迷」，但都忍唔住ENCORE叫多碟！食飽飽埋單找數都只係2750YEN = HKD170，除番開每人只不過HKD85，抵到爛！！

食到咁飽梗係步行返酒店，順便「落落格」，30分鐘步行換黎行到腳都跛，返到酒店即刻浸番個「浴」消除疲勞，明天一早去富良野搏殺過！