廣州已經唔同晒啦！

2007年5月26-27日  ─ 雨天

剛剛呢個星期同昆西上左廣州，本身對祖國的熱情不大，加上細個俾阿媽「塞入」火車的陰影，所以極怕返大陸，每次阿媽叫到梗「晒手兼擰頭」！

昆西生日都諗唔到有咩地方好去？香港行來行去都係咁，人多車多，空氣又差。所以當阿媽提議我地跟佢上廣州玩兩天，表哥向廣州工作，有地方住。星期六下午同昆西搭「直通車」上廣州，2點40分上車，到廣州時已經係6點，差不多4個鐘，坐到腰骨都硬晒！當晚去左間叫「新天樂」酒家吃晚飯，叫左幾碟招牌菜，有「老娘叉燒」、「天下第一飽」、「冰鎮黃鱔」。。。個名就響當當，味道就一般啦！最搞笑係個碟「蒜子名手乾炒菜心」，說到底。。。只不過係「炒菜心」一碟！>_<

要開工啦！今晚先再講埋下集！