好久不見！！

2007年5月5日 ─ 陰天

好似有兩個星期無update過呢個blog，因為工作勁忙！

新老闆及t同事的replacement於上星期返工，而我就用左成個星期既時間，將t同事留俾我既「精華」同「秘訣」傳授晒俾兩位人兄，點解咁急？梗係啦，越快loop左佢地入去，我就越快「甩身」，一個人頂三個人的workload，做左個多月，生活簡直想「死」！！不停開會(最無聊既係，呢d會根本唔輪到我去開，又無發言權，得個「坐」字，有時仲要俾人鬧鑊金既)、回覆一眾老細既email (其實無幾多個係我要直接report架！)都霸晒平日既時間，自己成枱野掂都未掂過！

講番「新屋」先，星期四收左鎖匙，昨日拜左「四角」，搵左親戚幫手「係咁椅」油下牆油，補番地板的花痕就算！無錢嘛！不過地方淺窄左，要買過張16吋闊既電視櫃，如果唔係就要「聞電視」！打算下星期六搬過去，因為應承租樓俾我地個業主今個月15號退租。

同事m話「spiderman」ok好睇，at least d特投好睇過第一、二集。好耐無入過戲院，有時間都想睇。

收工走人！bye!!!~