中秋節做咗乜?

中秋節就梗係要玩燈籠啦,估唔到妹妹都咁鍾意玩

每次去爺爺屋企膽膽都要攞呢個喇叭嚟扮咪唱歌

爺爺嫲嫲見膽膽咁鍾意唱歌就買咗呢套咪俾佢做生日禮物

膽膽為咗報答爺爺嫲嫲就即興表演咗幾首"飲歌"作為做節餘興節目

你睇佢唱得咁認真就知一定令成家人繞樑三日啦

佢企緊嗰個係自備嘅私家舞台咁啱又襯到個咪SET

一唱就唱咗成個鐘,簡直係欲罷不能

唱完仲會講多謝! P.S.家姐仔嗰晚返到屋企講"MA MA,我喉嚨好多痛呀!"

跟住落咗公園玩,妹妹好大膽乜都夠膽玩!

妹妹對腳都開始有返小小肉地,可惜完全冇得同家姐仔比

開始眼瞓嘅妹妹冇哩神氣

追月嗰日就帶咗兩姊妹去"圓方"你睇阿妹幾興奮

家姐仔就襯MA MA買緊嘢同DA DA百厭玩水水

超級市場呢架購物車真係令人愛不釋手

家姐仔每日都要食過月餅至安樂,就算去婆婆屋企一樣唔客氣霸晒嚟食

妹妹唔知係咪食咗幾次月餅,個面仔圓咗d成個月餅咁!