生產過程

真係唔好意思啦, 要過左成2個幾月先update 我生產經過, haha...

講返果晚既經過, 仍然'"瀝瀝在目", 因為實在太難忘啦!!!

記得果晚好開心得知"張家輝"係金像中羅左最佳男主角獎, 見佢老婆超開心, 抱住唔放果隻, 終於等到啦~~ 我都好"鄧" 佢開心!! 因為我好鐘意睇佢既電影架!!! 可能開心得制仲未好眼訓, 但老公果晚就好唔妥咁, 因佢話自己好似發燒, 所以食左藥未夠9點都訓左, 咁我咪自己係度睇電視同上下網羅 (因我明天唔使返工, 咪夜少少訓羅), 果晚仲同emily傾到好興奮咁講返佢自己生bb既感受我知, 傾到左1點要去覺覺豬啦, 因為唔可以太夜訓, 咁我咪去完廁所先訓羅, 但發現見到有少少水(幾點)係條 un un 度, 咁我心諗, 點解會咁奇怪既?? 但我冇理會照上床訓覺... 但個腦不停咁諗會唔會而家生呢?

隔左15分鐘, 我sudden 聽到有"卜"一聲, 跟住即刻入廁所check下, 點知見到真係穿左, 我仲好定定咁戴cone (生仔都要靚, 死未), 換衫, 梳頭, (因我唔肚餓, 如果唔係我會食埋野先行), 先去拍醒我老公, 佢好眼訓咁問我仲乜, 我同佢講我生得啦, 佢對眼就即刻睜大(大過我)咁同我講, 係咪真架 - 以為我講笑, 因為我好冷靜咁同佢講呱), 當然係真啦~~ 佢就即叫埋奶奶係留下撘的士去醫院, 可能夜, 馬路冇咩車, 唔使20分鐘就去到醫院....

入到去d 姑娘就叫我登記, 換衫,  咁我個肚當時仲係未痛既, 只係feel到自己係咁流 d水出黎, 攪掂d 手續, 我只留低個"走佬袋"就叫老公同奶奶返屋企訓覺, 當時淩晨2點, 我估我要痛十幾個鐘, 咪叫佢地第二朝先再黎~~ 跟住我就入去候產室到訓係度, check 住我個子宮同血壓... 報告心情: 仍然好定, 平靜^^

訓係度途中, 聽到隔離產房有人生緊bb, 叫得好大聲.. 好恐怖, 仲要係停一停又叫 (慘叫聲), d 姑娘又不斷叫佢用力/唔好用力住....  攪到我好情緒不安... 我問姑娘佢叫得咁大聲, 生左未呀? 佢答我當你聽到bb聲果陣就生左架啦... 咁我全程望住個鐘(掛左係我對面), 當時我個肚係仲未痛, 所以好八卦咁聽人地生仔, 隔左1個鐘隔離個大肚婆終於生左啦 (因我聽到bb喊聲), 我個心都定d, 因為知道佢順利生左, 雖然唔識佢, 又見唔到佢, 但我都"登" 呢個媽咪開心...

冇耐, 我個肚就開始痛啦, 仲要越黎越痛, 痛既次數開始多同耐左... 我同姑娘講好痛, 點算~~ 佢叫我可揀用3寶(心諗, 燒味咩... 原來係("笑"氣, 止痛針, 無痛...).姑娘同我講先比笑氣我試下吸... 我心諗羅定先, 可能未必用... 羅到黎我都未想用住, 自己堅持多一陣... 跟住個心同bb講, bb你快d 出世啦.. 好痛呀... 之後真係頂唔住, 羅d 氣黎吸, 但好似作用不大, 但照用住先~~~ 之後覺得自己好似想"呵"咁.. 我就知自己個子宮開緊... 但對腳好似冇咩力咁, 仲成日抽筋... 叫姑娘幫我按下只腳.. 有d 都肯幫, 有d 好串話自己壓下啦 ( 心諗我自己壓到我就唔使叫你幫啦)... 睇鐘0430時, 開始痛到唔識形容... 狂吸d 氣, 想叫姑娘幫我打止痛針時, 佢話唔使打, 因為己經見到5蚊咁大既頭髮....心諗: 下........... 咁我唯有繼續吸氣同放鬆d (但對腳仲不停咁抽筋), 又feel到想呵咁, 又好眼訓... 之後又再用d 力咁"呵".. 我估個子宮開得七七八八, (但佢地都冇講過比我知幾多度) 轉頭d 姑娘成班入哂黎, 叫我用d力... 用左幾下, 就話出左個頭, 用多下力, 出埋個身, 咁我就完全舒服哂... 到左早上0633,聽到bb既喊聲(好開心...bb出左世啦), 但我只腳仲不停咁抽筋!!!  --- 咩事, 好痛痛痛痛~~

之後, 姑娘同bb 吸啖同清潔完, 就放係我隔離比我望下... 跟住成班姑娘就我同講你bb真係好錫你, 咁快出左世... 跟住我就望住bb 不自覺地流左d 眼淚出黎.. 果刻覺得bb 好叻... ^^ 最後step就要用針縫傷口 (超痛, 狂吸氣都頂唔順, 同生仔痛唔同, 但我覺得仲痛d)... 攪掂就等上病房, 等緊時佢地比左份早餐我食(一杯水, 一碗粥同一個超硬饅頭), 但我只食左幾啖粥就訓係床到休息.... 好累!!!!!!!!! 到左9點上到病房我先可以打電話比老公, 同佢講我生左, 佢好驚訝咁""""咁快"""" 到探病時間就過左黎, 但我仲未可以落床住, 但我個人就精神返好多, 因為可能訓左陣~~ 老公好開心咁話比我知 bb 係度訓覺!!! 幾粒鐘後, 我己經呵埋尿, 同落床去睇bb (係bb 房)!!! 之後不斷收到各朋友既 sms, 電話, 探訪等... 真係好衷心多謝咁多位既慰問同關心~~ thankssssssssssssssss all ^.^

PS. 真係好多謝童童 (aimee)帶給媽媽無限歡樂======= 比我見到d好好人(隔10呎遠都讓個位比我坐); 比我10個月儘情食既心情(因唔使抱住減肥心態); 公立醫院既私家房既設備(因我生果時得我一間房); 享有前0後10既產假(prefect time); 因為佢, 咁差既經濟保住我份工, 仲有好耐冇見既朋友都黎探我, 仲有最重要比我一個唔太辛苦既生仔經驗我... ~~~~ .... ANYWAY, 你咁錫媽咪, 我當然就會更錫你同愛你啦!!  i love u forever~~~~~~~ 而家童童變左我生命中既第一位, 你乖我會錫, 你曵我就會打打, 知道嘛~~~