網誌分類：寫我心情 |
仲有五日就到聖誕了，我既好朋友們你哋會點慶祝？而我呢？未知未知...到時先算啦
呢兩日好似過咗成年咁，點解呢？又係唔開心。真係好唔開心，原因點解？唔係好想講，只係想快啲過咗2009年，到2010年重新開始。之前好記得千嬅講過一句說話令我好深刻，佢話：如果人生有60歲，過咗30歲後就係人生倒數既階段....真係，曾經我會覺得人既生命好脆弱，有人會放棄生命，有人會堅持活下去可惜生命卻是好短暫，我哋係為咩而活既呢？暫時我仲未完全可以解答到呢個答案，因為而家個思緒好亂...
快啲過渡2009年係因為太多唔開心既事件喺2009年發生，快啲過只係藉口，因為覺得新既一年新既開始啫。講番芝士既近況先啦，佢對手同腳終於可以行番，我好開心但對眼同口而家仍然都係結緊蕉，唉...見到佢真係好心痛架，加上我又怕整到佢，所以抱佢既工作都係留番俾so哥做，唔好平時見so哥咁black mouth black face，其實佢對毛仔同芝士好有愛心，好鍚佢哋...一啲都唔似係平時既佢，希望芝士快啲好番我哋一齊過新年。
最近買咗本書嚟睇，叫戀愛。婚姻，係一本心理書。點解買嚟睇？哈...有需要囉! 我認喺感情路上我仍然有地方要學習，當一個人唔係好清醒既時候，真係咩都諗唔到，唯有睇下書幫忙下啦! 本書只係睇咗10頁到...就忙其他事，有時都唔知自己忙啲咩呢？
尋日幫個中學同學惠琪做姊妹，我哋由f.1已經識啦，雖然畢業後好少聯絡，但仍無損我哋之間既友誼，咁耐無見再見番有好多嘢都好似唔使點講佢哋呢班同學仔都會明白咁，好特別。惠琪同佢老公ka lun拍咗10年拖先結婚，好難得。見到佢哋兩口子咁好，我真係好登佢哋高興。尋晚佢哋講致謝詞時，我都差啲忍唔住喊咗出嚟...差啲連個妝都化喔! 見到佢哋兩個咁好，我都要努力~ 做個好老婆!
加油呀! 施阿rain!!!!!
