我的心太軟--古古力蛋糕

其實e個好似係甜品黎架,但係我最後都決定放佢係整餅區,因為另一款先放,咁咪2款都有新野update囉,^^

完成品

好開心啊,第一次整,雖然皮係厚身左小小,令入而既古古力醬吾算太多,不過都有流啊~~本物有拍片架,不過某人既聲太大所以我cut左,呵呵~~~

以下食譜我整到6杯,杯仔大約2吋半咁上下啦~~

材料:

黑古古力(53%)                 150g                                                                                                

無鹽牛油                           110g

全蛋                                   三隻

蛋黃(可以吾加)                 一隻 (蛋黃係因為我另一款甜品用剩,吾好浪費先加埋落去架)

糖                                        75g

低粉                                    60g

黑冧油(吾落都得)             1-1個半茶匙

做法:

1. 準備好入爐杯仔或者係蛋糕摸掃牛油同小小高粉,咁樣就易d脫模,(我係用入爐杯架,方便d同埋吾洗洗麻,哈哈!!有d入爐杯仔係有層好似膠既野,個隻都係易脫摸吾洗掃油既)

2. 將古古力,牛油隔水座用,大約用80度或以下既水就好啦,因為越高%既古古力用既水溫就越低,(記得吾好煲住溶啊,因為古古力會燶,一係就買吾洗調溫既古力,就方便d)

3. 蛋同糖用電動打蛋器打到起泡泡,即係...脤身小小呢.....

4. 之後將溶左既古力同牛油慢慢咁係邊邊倒入去,輕手咁拌勻(攪係勁過拌架,^^)

5. 再落低粉(記得篩左先,落粉時再篩住落,[我平時就係咁]),拌勻就落小小酒,小小係無問題既,因為焗個時d酒精會無左,留返d酒香,

(其實拌勻都好累架,你睇我手手震到>.<)

6. 跟住就落杯/摸,大約7-8成滿啦,如果吾係即食可以放係雪櫃,到食個時先焗,咁就吾會令個皮太厚,吾夠"激"流啦^^

7. 入爐前記得預熱個焗爐啊,(我個人認為預熱幾多度都無緊要,重點係個爐熱左就得啦)用180度焗8-10分鐘,(個個爐溫都吾同,所以都要自己睇下火咁囉~~之後熱辣辣咁脫佢出黎,再懶靚咁加d糖霜上面啊,伴住雪糕,食得啦~~~出爐個樣就係咁啦~~你見到個面我係當底既,所以面頭吾靚係吾緊要既(e d一聽就知係安慰自己既說話啦)