女人疑心重？

轉來這間學校剛好3個月啦！

其實我算是尾二新黎報到既人，但唔知點解，ｄ人成日覺得我好似黎左好耐咁，咩都走黎問我，例如．．．

問：ｄ相係咪要推出門口晒架？

我心想：我點知呀？

又．．．

問：ｄ野擺係邊架？

我心想：你係呢間做得耐過我，你都唔知，我點會知？

諸如此類的事成日都會發生。

雖然我做呢行都有7至8年，但我係呢度算係新人嘛！連試用期都未過架！！

前日星期三校長觀課，攝錄我上堂既情形，佢睇完之後非常滿意，仲不斷咁同ｄ同事講：Excellent！！！Perfect！！！！！

仲心急到要係當日既4:30就集齊所有同事，一齊睇我上堂既片段。

睇完片仲要入埋去我課室睇環境。

基本上95%係讚，5%係改善空間同埋佢既小小建議。

點知咁就無啦啦俾人話我係『S級老師』．．．

如果係講笑既話，我無咩所謂，但明顯地feel到有少少意思係裡面囉．．．

今日我觀同儕上堂情況，俾人話：「慘啦！S級老師黎睇我添！」

開始有ｄ驚會被人歧視．．．唉．．．多女人既地方，都係麻煩ｄ．．．

Besides，今晚考試都ｏｋ，係寫到有ｄ手軟咁～

不過考試之前發生左件令我驚到震既事：就係我有個小朋友唔知俾邊個接走左？

因為今日唔係我睇放學，係由L老師睇。

佢都唔知點睇既！淨係見到熙熙既家姐（只有小學１年級）就放熙熙學，根本就無大人陪同，點可以俾咁細個細路接走架？

仲要係熙熙既媽媽打電話睇學校問邊個接左佢個女？真係問到口啞啞呀！

好彩好快係佢地屋企門口搵返佢兩姊妹，即刻接佢地返學校，再由我呢個班主任打電話俾媽媽，叫佢放心，兩個女都係學校度，可以黎學校接佢地。

好彩搵得返佢地兩個，當時媽媽聽到搵返兩個女，即時鬆口氣，但會唔會有後續既行動，我就唔清楚．．．

但係真係嚇死我．．．因為唔知佢地去左邊既個段時間，實在有太多既可能性．．．真係嚇到我有一段時間完全無心機溫習．．．

幸好考試都ｏｋ，應該唔會ｆａｉｌ囉～