森美Hui和C2J show後記

蟹~~~

係講我d音樂事之前,真係要佩服Y!Blog o既support team,可以咁賴皮,就快一個月喇,可以完全唔理會一眾Y!Blog友o既投訴,堅持三不做:

唔交待,唔道歉,唔做o野.

依家Y!Blog超多bugs,成班blog友炸爆小編輯個回應係咁投訴,佢地就堅持乜都唔理,睇住我呢班傻仔係咁嘈,但又耐佢地唔何要繼續用呢個爛鬼Y!Blog...睇來我地都係犯賤....

真係,我冇時間咋,有就一早搬晒d內容去第二個blog,以後都唔用呢度!!!

好~~跟住講下我上星期六同日分別同森美Hui,C2J佢地出show o既事,基本上同森美Hui o既演出暫時就完晒.唔錯呀,幾好玩,之前幾場有得食,而且最近o個場浸會show,發現聲樂真係幾好聽,由兩位玩聲樂o既前輩演出,真係聽出耳油.

而令我估都估唔到,一個弱視o既人,竟然強到可以一邊唱,一邊彈full version o既"我不會唱歌".唔講大家唔知,我不會唱歌o既伴樂,係一首極難彈o既鋼琴伴奏.就算演奏級o既高手都未必彈得到.初初佢未彈o既時候我真係睇小o左佢,跟住我同我身邊o既森美講:"你應該問佢拎電話..."

哈哈,所以真係,唔好睇小人,尤其係傷殘o既,佢地分分鐘勁過我地d養尊處優o既健全人好多.

好~~慚愧完之後,講返同森美,其實我同佢伴o左咁耐o既"希望",究竟係點?

大約係咁喇,呵呵.彈三角琴個feel特別正.我好想有部三角琴呀~~~~

好~玩完森美場show第二日就係C2J喇.第一次同佢地合作,好好玩,我地都只有夾左三次,每次都得兩三個鐘時間,真係幾趕.大家都要搵食真係要辛苦d.臨出show前都夾o左幾粒鐘先去荃灣新天地o個度表演.個場係露天,又有微微雨.其實都幾好feel.不過個場可能有音量管制的關係,音響真係麻麻地.而我夾C2J最特別o既地方,係佢地有自己o既原創歌.重要好好聽架.我唔知我呢個伴奏演繹得好唔好.可能彈唔到佢原創o個種味道.希望Jen Jen同Catherine唔好介意啦.

講起來我仲欠呀Jen Jen一首歌o既編曲,要快d趕工.up住咁多先.