中秋節快樂!!

大家好!

咁耐冇update,相信呢個本身冇人來睇o既爛鬼Blog更加冇人來睇.無他o既,我懶囉...

簡報下遠近況先~~我肥o左好多喇~~個肚腩.覺得著開o既牛仔褲越來越緊.要買過條了...我遲中會步肥強o既後塵變成肥偉.果然係肥強所講;"今日吾軀係肥佬,他朝君体也相同"....睇來我要開始Keep了.搵人踢下波先.不過怕我跑唔郁喇,老喇我.d人會話我屎波唔肯同我踢....

唔講大家唔知,我後生o個陣都算唔錯架,中學o個陣鍾意守龍門,班際都Win過下.到讀TI o個陣踢中場.不過只係上PE堂o個陣踢.身体最好都係o個陣.不過自從讀上TC打後到依家就冇乜運動.成日掛住夾band,不過勉強都算有o既,成日都要搬樂器,帶住步電子琴四圍走都冇問題.背住部接近廿公斤 o既Keyboard都面不改容.但依家唔得喇開始....

其實近來我覺得自己好唔掂,做乜都唔順利,好黑仔....而且個人腦根近來好似閉塞o左,諗唔到o野.又做乜都冇心機.成日都好似好小心都會唔覺意做錯o野.就正如今日我無端端講錯o左d我平時唔會講o既o野,好彩大家好朋友唔介意.唉...我真係想問自己到底近來攪乜鬼...

係唔係講到好似好灰呢?其實係,呢排我心情真係幾灰,一向都Keep住開開心心o既我都會有低潮o既時候.不過我又好硬淨o既.冇咁容易打得沉.

好!唔講d灰o野.早排我又幫森美Hui伴奏比賽,佢就真Happy呀今次,贏o左冠軍.當然我都開心o既,總算係近來我黑暗之中有點陽光...跟住好多人搵佢做表演嘉賓.咁我都好自然跟住佢有表演.十月十日就有一場喇.而其實我隊band Karat都有幾場show跟住出,所以今個月都幾精彩.

都冇乜o野喇,係近排有少許黑仔.不過諗返我又黑唔晒,至緊要就係屋企人平平安安嘛,我媽咪早排入過醫院,好彩都係小事有驚無險,我應該開心先係.仲灰乜鬼呢我??

好!係咁先~遲d再up過