真的要放棄yahoo blog了...

各位....

大大話話我用這個Yahoo Blog差唔多兩年左右.初初給這裡簡潔的設計吸引,開始我寫blog的習慣.當然十分熱衷,慢慢就轉淡了,因為自己懶,加上忙,而且我內容不夠吸引,沒有人來看.但總會上來更新一下近況.因為始終覺得,呢度幾好用.d表情圖案又可愛.

但係,"近來真係直情完全"連用都唔想用...其實係我打呢篇告別blog之前一兩日,我原本想update下我的近況.點知,yahoo的技術人員用了極之愚蠢的方法來防止spam...害到個個用家怨聲載道.包括我....

Yahoo blog之前已經一直不斷發生問題.我都一一忍下來.因為,身為一個programmer我都知編寫網頁程式唔係容易的事,但係,yahoo blog發生問題的比率真是十分嚴重,維修program bug反應又十分慢.他們又愛用我們這些用家做白老鼠.連最基本的program test也不做就更新系統,出錯了就待我們用家罵了數天才去處理.我這個指控最明顯就是指現在這個yahoo防spam的處理.竟然笨到只要文章裡含有小量不合法字串就整篇blog也殺掉,不能post出來,而且連一些日常用到的字也當spam處理,我以前讀書剛剛學寫program都已經知唔可以咁做...最可惡連警告及提示邊d字唔用得都懶得去做,我唔知道官方那個小編輯裡事前有冇通知會突然會新增這些功能.但係我就完全唔知喇,點解唔經過email通知各位用家呢?唔好以為我地成日會去留意這個y!blog小編輯...

最過癮就係,近來多了許多留言.但我一點都不覺得開心,因為,這些留言都係機械式的留言.而且雖然留言多了,但我這個blog的瀏覽統計人數卻沒有增加,我真係唔知發生咩事喇...

我自己份人唔係咁鍾意投訴,好多事我都會用包容的心去處事.但係,總會有底線.Yahoo blog真係教人失望透.我唯一不捨就是那些相識了很久的blog友.

唉...我冇心機再講咁多了,我唔知會唔會再係度寫blog,可能待yahoo blog完全冇問題的時候我會再回來(可能性極低),亦都可能唔會再係度寫blog.有興趣跟我聯絡的朋友就留言吧.

再見...