會考失敗而獲派讀毅進的惠RAY

會考失敗,令我整個人的心情十分低落,之後又收到IVE話取錄唔到我,我好失望,然而,排隊排左足足一日的毅進課程,佢話成功取錄到我,整件事件係點樣發生,要由8月5日個一日講起.

8月5日個日,就係我地中五的學生放榜的日子,當知道自己會考的分數,竟然係得個0分,我覺得自己好失敗.雖然APL的課程可以保護到我唔洗0分都有1分,但點都好,我覺得自己好冇用,好想用粗口鬧我自己.

1 分又可以做得D乜阿,到左8月6日,我睇下IVE成唔成功取錄到我.IVE話我一科都冇成功取錄到我,當時,我向到唸緊,我究竟仲可以做得D乜喎,只係得個1分,會考分數又唔係高過人,會有工作肯請我呢個1分的會考生咩,我只會係呢個社會上的負累.

我真係咁樣同我D姨姨講,我大個個姨姨當堂升左我一巴,佢鬧我係一個大蠢材,點解得個1分就要鬧自己係一個社會上的負累,我第二個姨姨話我:[你有努力考今次的會考,唔高分,唔係一個問題,但你係唔可以鬧自己係呢個社會上的負累,你咁樣鬧自己,我對你好失望.]

當我二姨姨咁話我,我困左自己向間房足足兩日,一D食物都冇食過落肚.8月8日個日,我朋友茜妹突然來搵我,佢話:[阿惠,我搵到呢張傳單阿,比你睇下.]我睇左兩眼,就比返左佢,之後佢又話:[傳單講的野係毅進計劃阿,既然冇左讀書的機會,你不如試下去九龍灣個邊排隊,睇下你自己有冇運氣可以讀毅進的證書課程啦.我已經聽你兩位姨姨講左,你鬧自己係社會上的負累,阿惠,我想同你講,你唔會係社會上的負累來嫁,你肯讀,人地一定有機會取錄你,我識得的阿惠,係唔會咁唔珍惜機會同埋唔會咁樣鬧自己嫁.]

茜妹的一句,激勵左我同佢一齊去九龍灣排毅進計劃,我要珍貴而家仲有的機會~~!!!

佢係9點同我講,去到西鐵站,都差唔多9點15分,佢叫埋我的好朋友維亞,阿秀同美奈一齊同我排,排左足足2點啦,好累好累,但我仍然我佢地努力排隊,就算有人話可以聽日再來,我地都唔走.

排到去4點,終於入到去會場入面啦,我選擇左我自己讀的的課程,另外選擇左日語入門證書課程.我當時已經知錯,就係冇好好讀書同話自己係社會上的負累.

報左名,等到去8月13日,嶺南毅進話成功取錄我,好開心阿,我而家已經知道我會讀的係日語入門證書課程,我成班FD都O晒咀阿.^^

我想向呢到,多謝我兩位姨姨同埋陪我一齊排隊排到足足5點30分先至可以返屋企休息的好朋友.全靠你地的訓話同支持,我先至可以讀毅進的課程嫁.