網誌分類：慧美點滴 |
圖片
網誌日期：2009-11-08 00:30
時裝既野我唔係好留意, 不過時下年輕人流行緊既野我唔多唔少都知一二. 雖然猿人衫好受歡迎, 不過我從未買過猿人出品, 估唔到......
估唔到星期六既早上, 要早起身係11點前去到觀塘apm既chocoolate排隊! 事原係我亞哥睇中左一款猿人crossover chocoolate既帽, 係呢一日開始全線公開發售, 我可以話係臨危受命幫佢去買!
我去到既時候其實都差唔多11點, 排隊既人大約有30人, 等左一陣已經入到去chocoolate, 只見大家已經圍住果堆衫同帽, 好在睇帽既人唔多, 我一手攞住用黎display既帽就排隊俾錢, 妹妹就左右去八吓, 後來sales姐姐話同收錢講就會俾新貨我, 咁我地就專心排隊等找數, 其間妹妹仲決定幫佢男友買衫同帽, 我有貨在手既時候妹妹仲叫sales俾size佢試, 試埋即刻俾錢, 我好醒咁拖延時間, 左驗右驗, 成功等埋妹妹試好衫先一次過找數, 成個過程大約用左30分鐘, 一共買左兩件衫同兩頂帽, 妹妹仲join埋VIP. 我地離開既時候(即係11:30左右)仲有大把人等緊睇衫同找數. God bless us! 而係地下既展覽仲未開始, 我地影左幾相張就急急腳走人喇. 哈哈! 可以話係旋風式到訪apm!
