對<Canon 850 IS 伴身邊>一文有感

睇完巴斯既Canon 850 IS 伴身邊，我都有相同感受。我幫老婆換過好多相機好多牌子，始終無一部岩心水，佢屋企好多時都去酒樓食飲請客，現場燈光弱，偏黃／紅，加上我老婆手震，而我就影模型作品，要求色準微距，同清晰，試過好多相機都過唔到關！Ｎｉｋｏｎ偏紅，ｃａｓｉｏ多雜訊，ｓｏｎｙ見人地用錯哂色反應又慢我試都費時，廣告將佢掉落街影既ｐａｎａｓｏｎｉｃ都敵唔過我老婆既無敵震震手，直至佢既出現：　ｃａｎｏｎ　８６０　ｉｓ，買機時專登試下開閃光燈影幅人像，竟然無出現我一直以為係ＤＣ死證既偏光／偏色情況，以前我一向唔會開閃光燈影相，開親張相死硬實要影過，但呢部我係可以考慮下開唔開，視乎將來觀相者對張相既要求，一般叔叔嬸嬸都應該無咩投訴，當然我自己睇果Ｄ我都係唔會開～而且佢Ｄ色好準確唔洗下下調教白平衡，ＷＩＤＥ　ＡＮＧＬＥ影廿機日都唔洗企出門口，最神奇係佢解決到我老婆既手震問題，令佢有多Ｄ信心自己影唔洗下下要我出馬可以專心打麻雀～而且佢舊電好勁，我需然去日本５日４夜有帶多舊，但係（響熄左個長期ＳＴＡＢＬＩＺＥＲ下）竟然用到最後一日先用完第一舊電！期間影左約三佰幾幅相。

部ＣＡＮＯＮ　８６０　ＩＳ用起上黎好方便唔使攪ＷＨＩＴＥ　ＢＡＬＡＮＣＥ都可以響我老婆手上影到準確清晰既照片，我前一排問過老婆對呢部相機有無投訴佢話無，我話不如買多部新款既俾佢袋住出街佢好開心，可惜去到店舖先知根本未有咩新款，我希望搵到部８６０　ＩＳ相同但機款係紅或粉紅，點知得部９０Ｉ有紅色機身，但就無左ＷＩＤＥ　ＡＮＧＬＥ．．．根住ＳＡＬＥＳ見我想搵顏色機推介最新既ＣＡＳＩＯ
機，又有咩心形對焦顯示又咩得意分唇．．．總之就岩哂女仔，但係我真係試到怕唔想再冒險 ，讀完巴斯既文章更令我覺得原來我睇法無錯，因為巴斯有玩影相玩ＳＬＲ，佢專業過我都覺得呢部好用呢～　而且我部新款過佢，哈哈～！
不過仍有一處不滿，就係個閃光燈每次熄機再開都重設留預設開始ＭＯＤＥ，如果好似ＰＡＮＡＳＯＮＩＣ（定ＣＡＳＩＯ？）果部可以選擇記唔記憶最後一次閃光燈狀況就好喇，一開機就影得唔洗熄閃光燈～