網誌分類：罐頭隨筆 |
今日係2006年嘅最後一日，我總算趕得切喺這一天寫寫06年最後一個月所發生的事。
差不多用了整個月時間預備...... 我從未如此盡全力做的事。尤其是那科law ── 最沒信心的一科；考完那一刻，我有點虛脫的感覺。原來盡力的感覺是這樣的 ── 就算結果是怎樣也好，我再沒有遺憾了。
之後我放了一個「豚の生活」嘅短假期；食飽就瞓、瞓飽搵食...... 這樣子，我卻瘦了兩磅。比起我之前做了三個星期 gym 成效還快...... 但是我沒想過要令自己變得很瘦很瘦；因我始終覺得女孩子有啲肉地先至可愛；骨杉杉的似乎不太健康的....... 而且都唔好攬嘅~ (你哋覺得攬住舊木頭還是攬住個枕頭嘅感覺舒服啲呢？) so~ 我想我可以keep住這樣子就好了。
今次回醫院覆診，我最開心嘅就係我出年唔駛返去覆診....... 住，但是後年返出覆診就要去照咗x-ray先至去見醫生。如果不是2003年喺那星期很冤枉地照了十幾次肺 (係真的照 x-ray，重係喺一個星期裡照十幾次...... 可是不是因為我有 SARS ＞﹏＜)，我都唔會對照x-ray咁抗拒；即使這次不是照肺...... 唉~
這個月有些朋友已經離開香港、離開了我...... 但原來我並不孤獨的。謝謝網友阿爽邀請我去參加她們的party，可惜我這個月忙得不可開交...... so sorry~ 我又失約了，不過你哋應該玩得很開心吧。
而未來嘅一年是我的畢業年，預計將會更忙...... 玩，應該與我絶緣了。
距離07年還有個多小時，希望各位明天會更好啦~~
過期罐頭 2007-01-16 01:59
事原03年SARS期間, 公司出錢請我哋驗身~ 點知原來諗住蛇半day 出去集體照肺後返公司做嘢, 會演變成要我強制性放年假十日玩自閉... 因為我右邊肺葉有個約五蚊大嘅暗影。
我當然唔可以任由那個yellow green 話要我放假就放假咖？ 佢又唔肯寫病假紙畀我, 於是我攞住張x-ray 走去急症室, 希望可以推翻那個yellow green 嘅診斷。可是, 連急症室幫我抽咗兩次血, 連照四張x-ray (正面兩張, 右側兩張) 都係見到那個影... 而血報告則無事。急症室醫生話安全起見, 要我rest 兩日, 再嚟覆診。那刻我像被判死刑; 不是因為擔心自己身體, 而是擔心放手半day 的工作... 再要我休息兩日, 我唔敢想像自己枱上的文件會否像十級颱風吹襲過一樣。點知醫生見到我哭喪著臉的樣子求佢唔好要我放假, 佢語重心長的對我說：工作沒有你在做, 還有其他人會做的... 就這樣, 我放了兩日無聊假期。
兩日後再去急症室照肺 (又兩張) , 好彩的是那個影沒有擴大的跡象; 不幸的是那個影還在; 於是我即日被轉介去南葵涌胸肺科。 去到那裡, 我又要照兩張x-ray (又是正面跟右側), 還有驗痰...... 之後一個星期又要去覆診。(覆診前要再照肺...)
可是最後醫生什麼都驗不到... 當我問佢點解有個影時, 佢就話可能我之前患氣管炎時咳傷了個肺... (小時候, 我的確患過氣管炎, 而且足足咳了整個暑假...)
唉~ 那年那星期的照肺次數, 一定沒有一個正常人像我那麼多了... 而且在很冤枉的情況下進行的。
至於明年覆診要照什麼, 我就不說了; 總之不是照肺啦~
米奇寶寶 2007-01-01 14:05
你有咩野病呀, 點解要照肺???