網誌分類：囍の雜項 |
圖片
網誌日期：2009-05-23 23:22
嘩...唔覺唔覺, 仲有半年就到大日子啦.......之前預備婚禮上既野, 好似都停工左好一段時間呀!! 好懶呢...
好啦.....係時候要黎個中場檢閱, 睇下有冇D咩做漏左先!!
婚宴場地 : 朗廷酒店
地方寬敞, 整層只有一個ballroom. 感覺好private. 新娘房超大. 暫時黎講服務水準都好好!! 之前, 都聽過好多人講係呢樹擺婚宴既感覺都好好. 黎緊9月會去落埋第2次訂. 婚宴前1個月去埋confirm菜式就ok啦.
PRE-WEDDING PHOTO (1) : 羅浮宮
呢間野....真係唔提好過提啦. 我係呢樹講俾大家知都係唔想大家之後會有不愉快經歷. 其實呢次PRE-WEDDING PHOTO係酒店FREE左20張俾我地, 所以我地諗住去試影下攞個經驗啫. 但係就......唉.......總之就NO GOOD啦. 有興趣朋友想知道發生左D咩事我咁唔開心可以睇番之前篇BLOG : PRE-WEDDING PHOTO (2)
PRE-WEDDING PHOTO (2) : 台北浪漫一生
呢一間係我本人同埋大力誠意推薦俾大家既好野. 佢地拍攝手法好自然, 衫同化妝都好靚. 就算我同大力都唔太鍾意影相既人, 都十分ENJOY今次既拍攝旅程. 大家想知有幾正, 可以睇番之前篇BLOG. 最近已經收到第一次較對既相........真係好靚好鍾意.......開心死....遲D攪好晒D相後, 再UPLOAD俾大家睇睇.
新娘禮服 : ANOVIA
已經JOIN左佢地既PACKAGE. 但係就未去CONFIRM款. 我諗會係9月份左右去CONFIRM. 暫時我個PACKAGE係1套婚紗+2套晚裝. 因為, 唔想成日走去換衫唔見左人, 所以唔會要咁多套. 我想大家見多我一陣呀! 哈哈
佢地既試衫環境同埋婚紗禮服都好靚. 不過d sales既流失率好高呀. 由我上年10月JOIN左佢地之後, 跟我個SALES都已經走左2個, 黎緊會有第3個. 所以成日有新衫返左, 都冇人通知呀! 我諗呢個地方真係要改善一下呀!! ANY肥, 佢既衫真係好靚好岩我心水. 價錢都不算太貴可以接受.
新娘中式掛 : COCOON
哈哈哈哈....
我既DREAM掛呀........真係好靚GA!! 靚到暈低呀!!我一見到佢既掛,...我個人就好似癲左咁...即刻約時間同我媽媽仔同埋脾脾走上去試啦. 仲即刻擺低銀兩book埋套掛tim呀!!! 雖然係貴左小小...但係真係物有所值ga!!
新郎禮服 (白色) : ANOVIA, (黑色) 未搵到呀!!
大力既衫暫時只係搵到白色禮服去ANOVIA租. 因為佢D白色款夠簡單呀! 大力鍾意簡單款GA! 但係黑色禮服就仲未搵到呀! 大家俾D意見呀! THANKS!
介指 : Van Cleff & Arpels
好多bolg友都力推呢個brand!! 呢個牌子都係大力朋友介紹俾我地先識. 試過上手, 真係好舒服呀!! fit 晒!! 所以佢最終勝出!!
新娘化妝 : MAKEUP RAINBOW - CHERRY
CHERRY係我係網上識到既化妝師, 我自己都有去跟佢學過一堂. 好鍾意佢既化妝手法. 偏向有台灣風. I LIKE IT. CHERRY個人仲好NICE NICE.......好彩今次化妝搵到佢幫手. 因為, 佢真係好忙GA!! 哈哈!!
水晶閃爆手飾 : 李太 讚助...
正!! 可以任揀任試... 多謝李太!!
媽媽, 奶奶衫 : 未搵到呀!!!!! 大家有冇咩意見可以提供呀???
老爺禮服 : 金都某間洋服店度身訂做. 相信我爸爸既禮服都會去呢間做.
姊妹伴娘裙...又係未去攪呀! 我真係好懶呀! 大家有冇咩好介紹呀??
當日攝影 : IMAGE ART
係婚紗展搵到GA! 佢算係中價啦. 黎緊7月要俾相佢地做成長片段. 暫時都未定好時間要幾時去開會. 希望佢地影得我地當日都靚靚啦.
律師證婚 : 徐志剛 (ROBERT TSUI)
係ESD LIFE搵GA! 佢都算好平. 不過, 律師當日只會出現10~15MINS..所以未知服務如何. 希望OK啦.
囍帖 : 由我好表妹- 班班設計!! 準備開始搵人去印.........大家知唔知邊樹有平印刷連紙呀??
中式及西式餅咭 : 美心
因為大力朋友識人,有折. 所以買左美心
仲有其他過大禮呀, 屋企decoration, 上頭用品, 利是封等等.....會去大陸shopping買!!
應該冇野漏啦掛........有既就請大家提點下我啦....嘩.....打左好耐呀!! 好長篇呀! 可以睇到尾既朋友你地真係好有心呀! 肯睇晒全篇!! 多謝呀!! 感動-ING...
melody & davy 2009-06-10 20:26
我唔知佢係咪加左價tim, 對我黎講就幾貴啦，佢個價仲企得好硬tim，我同個frd一齊join，傾左好耐都無咩點減...
melody & davy 2009-06-09 11:50
我都0岩0岩join左 Image Art 呀~ 都係0向 expo~
不過好似好少JM join 佢咁!
♥ 大妮囍宴♥2009-06-10 13:50
K and K 2009-05-28 09:09
♥ 大妮囍宴♥2009-05-28 13:48
單租$2480. 聽其他BLOGGER講, 佢地好似返左新款掛呀. 你可以去睇下...
小牙 (阿柴=牙仔..) 2009-05-24 21:39
♥ 大妮囍宴♥2009-05-25 00:24
abe 2009-05-24 18:32
呀,你駛唔駛整餅,阿妹應承左幫我手整!!!你仲可以做cookie做回禮tim,你想點,話過我知啦!
♥ 大妮囍宴♥2009-05-25 00:26