棟篤笑看人生

棟篤笑看人生

吾系講笑！「棟篤笑看人生」是增加幽默感的速成班。幽默感不是天生的!何謂「黑色幽默」，「四大笑料題材」，「阿Q精神」理論，「反邏輯爆笑」理論，「超浮跨爆笑」理論...一一於八課埋教給學員，簡直是悶蛋教師、長氣sales的救星。(呢句好唔好笑!)

課程內容
首45分鐘重溫上堂所教的內容及學員練習時間。
之後的30分鐘教授當日的課程內容及學員練習時間。
最後15分鐘預告下堂的課程內容及即場示範下堂的「棟篤笑」題目。

課程題目
1. 棟篤笑之結構
2. 棟篤笑之禁忌
3. 笑位之捕捉
4. 黑色幽默
5. 四大笑料題材
6. 阿Q精神
7. 反邏輯爆笑
8. 超浮跨爆笑

導師棟篤笑短片示範

棟篤笑派利是
http://hk.youtube.com/watch?v=HSEEVk_otFg

市場分析

坊間以教授「棟篤笑」的課程不多，而且學費也非常昂貴(一般也要$1600-1800六堂 http://www.born.com.hk/lesson/lesson1.html )。授學地點也只有灣仔區。如果以全期8課，每課1小時30分。費用：全期480元，這課程一定極有市場價值。

課程簡介

l 棟篤笑之結構
起承轉合
有氣氛有共鳴有反應
例如：電台台長唱咸K事件
都唔明點解台長要走？同記者講佢位女士係佢私人國語補習老師咪得羅，個假髮係老師獎比自己既禮物。
l 棟篤笑之禁忌
不可人生攻擊，要顧及聽眾的感受。
l 笑位之捕捉
『笑位』有分『高級笑位』即是俗稱的幽默及『低級笑位』俗稱為滑稽。
『高級笑位』是需要聽眾經過反思過濾才會回心微笑的。反之因動作行為惹人發笑的便為滑稽。
l 黑色幽默
用樂觀的思想去迎接悲觀的事實便可稱為『黑色幽默』。
例一：
股壇大享，因近日股市波幅上落太大導致連日失眠，最終要看心埋醫生。
心理醫生教他數綿羊話實訓得著，股壇大亨即刻話：「我試過啦，但我一數到8號我就火都泥埋仲連電話都揼爛埋」。(8號是電訊盈科的股票編號，因當時它的股價跌了很多所以有很多股民都好嬲呢隻股。)心理醫生聽完就話：「咁樣不如改為數大閘蟹阿！唔使數到100包你就嚇暈！」

l 四大笑料題材
政治、宗教、性、女人
女人天生比男人強，因為一見到有得SHOPPING佢地就精神番晒。

l 阿Q精神
自欺欺人給自己一個荒謬的藉口。

l 反邏輯爆笑
用全新思維的邏輯去推反傳統思維的幽默。
就算大家無用過但都應該聽過「護舒寶」個名，但係我就覺得呢個名改得唔好，明明佢地d產品係標榜輕便。咁點解仲要叫「衛生巾」成斤重你叫我地點用呀。」
l 超浮跨爆笑
用超現實的幻想表達手法去陳述事件。

導師簡介
photoshop,illustrator,freehand,coreldraw,indesign,pagemaker,quarkxpress,dreamwaever,flash……呢0的0野係上世紀未時已經識0左，但後來居然比我無師自通學埋退地及爆肥、唔知大一藝術設計學院會唔會回水呢！代表作繼有紅白藍文具及手袋系列( http://hk.geocities.com/renewdesignshop )，最近更推出了迷彩李小龍、毛主席、柯德莉夏萍、瑪麗蓮夢露圖案文具及手袋系列及Tee(http://hk.geocities.com/ohteeshop)、鍵盤按鈕咕臣…做人0既0野但求開開心心，所以我得閒除0左教0下人0野、同朋友食0下飯，返0下工咁都無咩野做！係呀我本身有正職，係food group到做ad。呢行都做0左7年幾。但係個樣一d都唔似，似做左幾十年... 如果大家想免費得淡笑同埋想從中偷師學下設計，咁就要留意我0既Web Site啦! ( http://glory4u.sinaman.com )
唔記得介紹自己添，你0地可以叫我「哥兒」或者glory，星座係巨蟹座 ，識少少日文、普通話，能操流利英語粗口，廣東話更不用說。嗜好係音樂 、跑步 ，喜愛歌手: 林憶蓮，喜愛演員: 張柏芝，喜愛電影: 最近係韓片A moment to remember 喜愛食物: 雞蛋仔 ，魚蛋，喜愛顏色: 黑、白 ，喜愛數字: 7 &10(因為我係7月10日生日！fans們你地識做啦！)，喜愛地方: 屋企、香港 ，喜愛動物: 貓咪 ，喜愛季節: 夏天 ， 喜愛飾物: 頸鏈 ，難忘的事情: 第一次上堂教學生設計。