又係書展

報紙話今年o靚模入侵書展, 講到嚇得死人咁款, 其實以如此大型的書展來講, 就三兩個書檔賣幾本寫真, 又有幾大影響? 我行左半日, 如果唔係細心搵, 都唔為意邊度有o靚模寫真賣...

去書展的最大好處, 一是平, 周圍起碼 8 折, 還有大量 bargain books, 不過要小心格價, 舉例說, 同一本書, 商務標 $14X, 有8折, Page One 就減到 7 折, 但睇一睇原來標價 $18X. 一心諗住去 Page One 買外語書的要小心了.

另一好處是搵書, 搵番我們錯過了的書. 遠在 Harry Potter 還未成大器時, 某年在書展找到一套基督教文藝出版社的那裡亞故事集中譯本, 終於實現了我的童年夢想.  今年在尚書房攤檔見到有 "投資王道" (即林森池那本 "証券分析實踐" 的簡體版) 出售, 賣 $48, 咁平, 好過 download 啦.

細個時去書展, 主力買小說和得意文具, 死慳死抵一年一套金庸小說捧番屋企. 而家就喜歡搜尋 language 書, 了解文字原是一件很有趣的事. 例如, 不少字根為 'cis' 的英文字都有 'cut' 的意思, 好似 'concise', 'incise', 'precise', 'decision', 當然少不得 'scissors'! 我今年又買了點, 希望每個去書展的人都能有斬獲啦!