一d纸仔

今天收拾柜筒的时候，居然翻出了很多初中时的字仔，就是上课传的果d呢~即系中学文化呀，哈哈~~原本只想将距地放好，结果，一张特别细的字仔从里面掉了出来，上面写住：“射水，你真系唔信我love你？我系讲真噶，你要我点讲先信？”署名是鱼头。我当时就系度狂谂，边Q个鱼头呀？！我唔记得有人用love来同我表白过噶喔。。。。。。然后我就坐系地上一张一张甘睇，结果发现呢个鱼头居然是捞仔！！于是强压住想打人的冲动系心里面默默甘问候左一下消失左很多年的叫极都唔肯出来聚会的呢位朋友：死捞仔！！。。。甘到底距当时点解会讲出d甘的话呢？唉。。。我唔记得左了。。。会唔会系叫我帮距向阿边个求情呢？定系想我帮距买早餐？抑或系距好想帮我买早餐呢？？定系，距当时又系度发紧神经？。。。

然后第二张看到的纸仔系：你头先扭断左个公仔个头，等阵下课之后我都要扭断你个头！！！（哇~居然有三个感叹号，而且仲要系我的笔迹。。。）跟住当时的画面就浮现左出来了。好似系我生日的时候呢，关公无拉拉买左只上链之后会有音乐出来的公仔比我。但系！只公仔个样好似d鬼片里面的公仔。。。我收到的时候，真系。。。边有人买甘恐怖的野噶！唔系睇在同一日生日而且你又甘想做我阿哥但又做唔到的份上我就唔收噶了。。。于是，我将个公仔放左系座位旁边的书箱面头，肥邪就坐系我的后面。晚黑当大家都唔知系咪好认真甘自习紧的时候，个公仔居然突然响起音乐！！！我地当时都无同距上过链的！！所以，我毫不犹豫甘将个公仔掉左比肥邪，勒令距令个公仔正常翻，于是顺势就将只公仔放左系距度了。下课的时候，甘距咪睇下边度唔对路罗，结果，距地成班大男生粗手粗脚甘就拧断左个公仔个头了！拧断之后仲即刻掉翻比我，个公仔仲要系度继续响！！实在系太邪了，仲邪过肥邪呀~~~~我当时咪唔知点算好罗，又想掉左只公仔距，但系又觉得对唔住关公喔。。。好彩，关公最后睇唔过眼，自己走过来将只公仔掉左入隔离的垃圾房。。。系了，关公好劲的！有日我好似唔开心，结果一入到课室都未走到埋座位，距就走埋来话：做乜今日好似甘唔开心甘？不过呢，我发觉魔羯同魔羯一牵涉到感情就无办法好好沟通噶了，所以，我选择，远离你。。。

然后，我当然就忍唔住继续睇埋呢d纸仔啦~睇完后发现，原来我初中知道左好多人的秘密噶。。。点解？我唔知呀，成日都无拉拉甘就有人同我讲d野然后叫我唔好讲出去。。。真系衰呀~守得秘密多会变8g噶嘛！搞到我而家甘8都系因为你地~！好彩，我呢个人有一个优点，就是健忘！所以，讲比我听的野可以放心啦~

睇完之后我仲发现，初中果个班的人事关系真系复杂呀，真系而家睇翻起都觉得头疼。其实我一直都知道，系因为昌同肥毅，我先可以系同果个人划清界线之前一直无事。果个人系边个？咪系一个我地一直当距好朋友但系距同时出卖左我同moon的人罗。唔系好严重的出卖，只不过我觉得，一次不忠，百次不用je。而且，划清界线咪好罗，唔使甘多担心我的人左右做人难罗~再者，就算你道歉，发生左的事可以当乜都无发生咩？有时我真系觉得自己心胸几狭窄，不过，甘系因为我唔再当呢个人系朋友je！

我又发现，当时班里面发生的一件大事居然无出现过系d纸仔里面！哎呀。。。好彩我自己记得je！呵呵~~不过，甘大件事，3班的同学你地有无可能唔记得先~？

我仲发现，同瓜谦传的纸仔最有水平！因为我地总系系度讨论紧物理题的同时又系度讨论边度的臭豆腐同烧烤好食。。。讲起臭豆腐，距居然有晚自己去食左七蚊的臭豆腐！结果第二日就肚屙了。。。我就好幸灾乐祸甘话：抵死啦~边个叫你去食都唔叫埋我呀~~呢个歉妹成日会同我讲：你唔使惊，因为主会保佑你，耶稣会打救你，圣母玛利亚会宽恕你~~ 我话，甘咪即系个头近？因为离西方极乐世界近吖嘛。。。好冷呀。。。

嗯，我最后发现我的初中生活真系精彩~~！！估唔到呢d纸仔可以帮我重新过一次初中的生活~哈哈~~