今日有个同学仔问我国庆有咩做，我心谂：国庆？有排喔~~
后来先醒起，7月4日，美国国庆。。。切~ 关我咩事。。。
呢个星期，我要咪晒本书距~~~~~~~~~~~~~~~~~~！！
前几日脚趾公痛佐几日，然后肚痛两日，今日终于乜事都无可以去Rec跑步拉！！但系，唔知系咪无跑几日，今日觉得有d气喘
减肥之路漫漫。。。
跑步的时候见到一个疑似韩国人的身材好好，好均匀！但系距跑的时候不停回头望后面，我当时谂，哇！小心拗柴呀。。。
我好衰呀~~~哈哈~~~
yan同我讲翻佐科大。之前帮主都翻佐去，然后系个blog度伤感佐好多野。合肥好似好多野都变佐（居然建佐条死人高架桥系学校门口阻头阻势！合肥细到鹌鹑甘用高架桥来做乜？！），但系据闻科大里面都依然系我地离开时的面貌。而，我觉得我已经无勇气翻去果度了。毕业果晚，我地曾经讲过，10年后一齐返去。系10年之后的聚会呀！呢一个约定突然偷走晒我的力量，我真系唔想一个人翻去面对。面对乜？我都唔知，连04的人都即将毕业了，认识的人仲净翻几多？曾经一齐嘻嘻哈哈走过的路，一齐踏足过的草地，一齐打过雪仗的足球场，一齐跑过的篮底，一齐熬夜睇足球的大礼堂，仲有饭送好难食的饭堂，呢d地方，当要自己一个人再走过，要自己一个人回忆的时候，系伤感？定不舍？仲有果个有偷窥狂的二教，冬天的时候特别暖的一教，夏天时特别凉快的10014&10015，好残旧的系楼，更加残旧上课偶尔传来厕所味的四教，以及最可爱的320各人~~~
去年今日此门中，
人面桃花双映红。
人面不知何处去，
桃花依旧笑春风。
呢个世界一切的野都系度变紧，甘我地大家四年的感情呢？会否多年之后内心依然温存对各人的思念，但相遇时已无言以对？
我觉得，再翻去的时候，可能会忍唔住喊，到时食吓死旁边走过的人，距地可能会以为又多佐个傻婆出现系科大。。。
猪 2008-08-14 21:47
水 2008-07-16 04:03
猪 2008-07-15 15:24
你终于认识到自己系傻噶了..