畢業了！

眨下眼就畢業了！搞畢業相攰死我了！因為有同學幫忙拎上大陸晒，所以要早幾日搞好。嗰晚做到點幾兩點，最後有d相crop得唔太好。不過其實唔緊要，因為呢d相只係for fevaworks比人audit用，並不是用嚟計分的，所以我有d求其。

我覺得我真係好幸運，遇到felix呢個好導師外，仲有一班唔計較的好同學！平時上堂認真得嚟又好玩，有時唔太精神或太忙我都盡量返，因為我除咗enjoy上堂外我仲好enjoy同班同學吹水，連我結婚前一天忙到死都返咗去。我呢30堂除咗去honeymoon嗰個星期外全部返齊，對我呢d懶人嚟講都算是奇蹟了！我趕執相嗰晚仲有同學不厭其煩咁係電話教我photoshop，又教得識我喎，好感動啊！仲有，d相係要'痴'落黑cardboard度的，d cardboard又係某同學幫手一次過搞晒攞返嚟，佢仲借埋佢個studio比我地試燈影model。有同學不辭勞苦咁將咁多堂的相燒落dvd, 每人幾隻咁燒咗19份，一定用咗好多時間。仲有個同學持別多鬼主意，佢提議最後一堂影一張有杜奇峰feel的班相，結果嗰日個個著到黑社會咁返嚟，阿sir都好樂意同我地玩。阿sir仲話佢教咗呢班3年，我地班係算最認真最好玩同最合拍的。我諗我地d'作品'未必一定最靚最好，但我地真係認真地去諗一d獨特的idea去做。阿sir仲話我地班的分數個個超過90分，冇人8字頭的，我諗佢真係好滿意我地的態度。

最尾嗰堂返fevaworks上堂，我地除咗填CEF張form靜過10分鐘外其餘時間都係嘈的，仲要好嘈嗰隻。要一讚嘅係fevaworks的adim係堂我地小学生一樣教我地填CEF form (真係好煩)，影印埋，仲親手入埋信封封埋口咁比我地，咁就唔會漏嘢啦。咁我地又好低能咁集齊晒一齊去附近郵筒寄，仲好似歷史時刻咁影晒相，d人行過都當我地傻架。

不過，讀完呢個班唔代表唔見，我地除咗加入同學會外，仲安排咗攝影活動出去玩，希望亙相交流下技術會有所進步。仲有就係一齊出去玩真係好開心呀！其實我同另一位女同學已幫我個fd影咗輯大肚相，阿sir都比咗d comments，我地會再接再厲，等佢生之前再影，生咗之後就可以影bb了。