我的大日子 前篇

本來已懶得寫blog, 因為太浪費時間, 但睇番又好似可以回憶下喎, 咁又突然想寫返.

今年唔知係咪特別好年, 個個都揀今年落葬, 包括華仔, 侯活同埋-我.

我同波波唔覺唔覺就已經拍左九年拖, 其實我真係一D都唔覺已經讀完書咁耐同做左咁多年野. 唔知點解我D運氣成世都咁好, 好運永遠都會企向我個邊, 做乜野都會心想事成. 例如九年前我想搵個可以做終身伴侶既女朋友, 點知就比我搵到波波; 三年前想搬出離住下, 就咁岩居屋重售仲抽中買埋; 又要供樓又要儲錢, 都覺得有D吃力, 點知供左一期之後就係咁減息; 一年半前想構思下結婚, 本來睇到D價錢好甘想推遲, 點知過多個月又咁岩雷曼事件, 然後又到金融海潚, 令D價錢變到可以接受到; 連結婚個日天文台明明話會有雨, 但都唔知點解個日連滴雨都唔見有; 預圍數方面本身就係一件最易出事既野, 點知最後又不多不少咁同落訂時預計的十八圍一模一樣, 究竟我D運氣會唔會有用哂既一日呢?

不過點都好啦, 今年我同波波拉埋天窗, 開始左人生的新一頁, 絕對係我人生裏最開心的一件事. 為左防止我自己將來可能忘記每一個細節的可能性, 我決定將所有細節都詳細記錄, 當然誇張的修飾是我常用的手法, 絕對不能缺少. 

我係一個樂觀的人, 我會將開心的事放大一百倍, 而唔開心的事會完全忘記, 所以以下的紀錄未必會是一個完全真實的紀錄, 是經我人手調整過的記憶, 反正某年睇番都唔記得清咁楚, 唯有信呢個"完美版"啦