四面楚歌的中國（二）

生不逢時受死氣

明剃眼眉淤到痺

跳梁小醜來生事

龍的傳人是個屁

尖：被西方狂唱威脅論的中國其實有苦自己知。

笨：點解咁大感觸呀？

尖：講緊嘅係中國所屬水域的北部灣及南海早已經被東南亞諸國瓜分、而身為美國在亞洲第一打手的日本亦不甘後人、在東海氣焰迫人狂搵着數。

笨：車！中國咪已經同意和日本共同開發嘅咩？問題應該可以暫緩啦！

尖：不過一波未平一波又起。逼迫的事又隨之而來了！

笨：唔係吖嘛？又有嘢迫埋身？邊個咁沙卟呀？

尖：美國第二打手韓國在中國黃海的日向礁有所動作。

笨：日向礁係乜家科嚟架？

尖：日向礁是中國專屬經濟區的一個海底礁、位於北緯34度00分41秒！東經124度53分19秒、屬於中國海底大陸架一部分。一直以來是遼寧、山東、江蘇、浙江一帶魚民的傳統捕魚水域。

笨：韓國响嗰度搞咩嘢呢？

尖：現在韓國人在日向礁《韓國稱為：可居礁》建立綜合海洋科學基地、恐怕是意味着中國黃海甚至渤海一帶水域有被侵吞的危機了！

笨：韓國點解要霸佔哩啲爛鬼島礁呢？

尖：乜嘢爛鬼島礁呀？海底有石油架大佬！

笨：原來又係石油？

尖：其實韓國人胃口唔嘢少架！

笨：吓？唔通韓國夠膽吞中國落肚嗎？

尖：話你知啦！韓國踩過界好有步驟嘅！首先在北端長白山製做事端、聲稱整個長白山乃韓國之地、並且搞大學生跑來插旗以示主權、繼而在間島挑起問題、企圖要延邊與天池完全歸入韓國版圖。在東邊霸佔中國蘇岩礁。在西邊霸佔日向礁《韓國改名為：可居礁》並向國際學術界宣傳是韓國新領土、目的志在與中國劃界分得黃海《韓國改名：西海》60%水域、比日本欲侵吞東海面積還要大、其胃口確係認真唔少嘢。

笨：嘩！韓國人都好惡啫！

尖：最危險的是韓國政府對其人民進行教育、使韓人認為對蘇岩礁和日向礁是韓國領海、寸土都不能讓。假如中國提出問題肯定會引發民族衝突、最終導政戰爭。

笨：一戰又如何、最重要就是道理在自己一邊嘛！

尖：未必能如你所願了！目前中國即將舉辦奧運、需要締造和平氣氛、在東海又締造了和平合作口號、所以又可能則則身讓韓國佔便宜、最終只能在黃海守着中間線而矣！

笨：中國外交部真的如此不濟事？

尖：但願我估錯啦！

笨：我還有一個問題非問不可的。

尖：有嘢就講啦！

笨：夠景韓國憑乜嘢咁惡？點解中國咁怕佢？

尖：首先韓國自稱是亞洲軍事力量大國、韓人普遍認為中國落後他們很遠。其次是有美國撐腰、所謂打狗睇主人面、中國根本惡不起來。第三韓國人眼見中國對東亞諸國一讓再讓、肯定是最佳時機、此時不踩過界還待何時？最後是中國軍事實力目前的確還未萛強大！

笨：咁咪即係任人玩都唔敢聲？

尖：咁就要放長眼睇喇！