最後淨土

一直都覺得不丹這地方好吸引
單以名字而言, 這兩個簡單的字組合而成的"不丹"已經夠不凡
最難得的當然是世界獨家的國民快樂指數
國家的GDP低, 直接來講就是窮
不過難得有國民快樂指數 (Gross National Happiness)
重開心多過物質 近乎烏托邦境界
如果東京不快樂 不丹也會永遠快樂

當然, 我未去過不丹
但聽得不少都已夠迷上此地
明明是行君主立憲制
人人愛國皇國皇也愛人人
所以今年開始放棄皇位, 迫皇民自立迎接民主
為政者獨攬大權唔捨得走的大把
不愛江出又不是為美人, 自動棄權者簡直罕見
又例如當地人純品得個個似小朋友
從來未聽過同性戀、妓女
同當地人提起這些"現代觀念"
足以嚇死佢地之餘 反而驚自己太污衊塗毒當地人的思想
想知更多有關不丹的資料, 請即上: WW

講完一大輪, 其實想講係好驚
好驚這片淨土會受破壞 還要是出自香港人的手

可以肯定加零與朝偉的婚禮會在當地舉行
而本地八卦傳媒務求為滿足香港市民的知情權同八掛心態
(當然符合老細的ORDER同升書才是重點)
一定會不惜一切湧晒入這個國家

雖然為了阻止太多遊客破壞淨土的純樸
當地政府一向要有當地旅行團同指定消費等條件先會發簽證
不過本地傳媒當然係有方法不惜工本去到人地酒店日等夜等
(上次為了影一張"加零與朝偉飛機十幾小時零交流"毫無新聞價值又無趣味性可言的相都可以特登買頭等機票去的時候, 其實真係無野做唔出架喎)
而當地導遊又基於政策問題要跟住一班扮遊客的記者、攝記大佬
o係酒店外捕婚禮、偷入酒店硬影、趕傳相etc
老老實實 當地人一定覺得咱們香港人真傻
人家結婚高高興興 呢班人搞咩要咁做
點解唔enjoy 下生活?
而呢班為工作不惜一切的傳媒人, 又肯定會做好多破壞當地環境o既動作
(寫包單!! 無論實際行動上、環境上、心靈上都會!)
其實到底有幾多香港人想知人地結婚係點先?
就算李+誠同子淇的千萬婚禮、千億金B咁又點先?
香港人, 我們大家有金執咩??
我們不會快樂
最多 是多了幾個話題而已
然後兩、三個星期 我們都已換了話題
THAT'S IT, THAT'S ALL

當然, 完全明白一份八封雜誌的真正意義
係背後十幾萬書的銷量、幾百萬的廣告費、幾百人的飯碗
不過可唔可以唔好破壞地球最後的淨土?