三年約定

所謂約定, 其實係我自定
一般來講大部分人都應該o係grad o個年已經領取左畢業證書
但唔知點解(真係唔知點解喎!), 本人係一直未有領取
然後又好似印象中, 唔知聽邊個定邊到話, 大學會幫你keep張證書3年
3年之內去拎就可以云云
結果因為: 工作繁忙/事業心重/有放假都要訓覺/好很遠喎/訓醒入到去都過左辦公時間/又要出街玩/約左人食飯/無心情/唔想出街諸如此類任何理由
畢業3年, 工都轉左幾次, 都未見過張價值 HK$12萬+的畢業證書

忽然醒起, 嘩! 好似已經3年喇喎!! 再唔拎, 第時想拎咪要俾錢申請transcript 咁?

打去校務處一問: "無架喎! 邊個話3年架! 畢業第一年就要拎架啦!"
我: "..e...係咩...(心虛)"
"不過我地又唔會掉左佢o既, 你黎拎啦"

大學之路真係好遙遠!!
我完全不能理解 yr1時我如何可以日日由屋企入cu 上8:30o既堂而無遲到!
(然後yr2-3住宿反而係無上過比10:30早o既堂!而且10:30o既堂最多一星期兩次!)

校巴站已經改左地方, 懶有system 地圍欄排晒隊, 好陌生
不過一見到泛濫o既soc tee/soc褸 搭 波褲/卡其斜布褲 cu 特產男生, 立即覺得好cu!!
(不含貶意之辭, 此乃校風純樸之顯示;
如果全部換晒MK/CWB系 gucci膠框眼鏡/ ape 牛仔褲/ LV斜孭袋o既男生先至驚!!)

呢舊野, 真係好核突
網上cap相
率先o係校巴站已經見到, 將成個山頭屏風式圍起
一直以為佢係o係"賤build" o個邊
原來係o係校巴轉上本部條斜路到
好‧銀‧銀‧眼！肉酸得佢丫!

亦順手來了個中大半日遊:
本部-->兆龍

有無人知呢舊o係碧秋對面的透明懶現代wave形仲要曉噴水o既怪物係咩呢?
(集合埋彩色屏風大樓, 可以請小克畫個"中大巨星匯"了!)

兆龍-->車遊shaw-->UC-->NA人文館、錢lib studio
行勻JLM成個DEPT, 當然係無半個識o既人
而且考試期間亦不見prof.、機械三寶
只係入soc房偷左varsity 同大學線 (其實上網都有得睇, 唔知點解要偷!)

(d design 幾勁! 勁到我以為本書真係俾人上堂時畫花左!)


入左multi lab! 無一部電腦識開!
不過想起當年番茄o係度用宿舍個電爐炒公仔麵、其他PK打麻雀、我地開projector 睇朱咪咪扮徐大鳳 (而當時係有其他同學係做緊功課!!)

***原來當年茄茄幾瘦???!!!!!!! o個時有厭食症??!!!!!!!!!!

是日最大收穫:

No. 457!! 當年梁花o既locker!!!!!
三年之後, 竟然仲係一‧狠‧樣!!!
o個個無鎖o既櫃！o個d封塵o既書！o個個壞定偷的keyboard！o個d 黃報紙！
三年都無人理架!!! 係咪此生此世永永遠遠直至消失天與地都仲會o係度?

樂群館-->林耀明夫人堂-->劇社房-->NA Can
劇社房
無帶劇社房鎖匙, 不過望入去, 大型東西仍在; 到底幾時先有人會掉o個張皮椅?
NA Can o既壁報上係同學表示歡迎鄧經理回歸 (原來佢走過?)
結果由NA Can行去紫霞再行去MMW時, 真係見到鄧經理, 完全無變樣!!

NA Can-->紫霞-->MMW-->UC 斜-->本部-->coffee con
選擇左去coffee con, 本身係想食豬排腸仔意粉
不過只有越式河、檬食
係喎! 原來係食越南野, 咁點解我明明記得coffee con 係食意粉呢?
(當然無影食相啦!! 自己食野o既相都無!!!!!)

最後以雞排檬作結! 是日行程完畢!
粉懷念耶!!! 下次邊個想再返cu 行下, 搵埋我耶!!!

**終於拎到,
其實無實際用途, 不過又想知道其實係生成點o既樣
原來當年係老董簽名! 依家o個d 仲係咪?!