一個全吉數之名字

古語有云：唔怕生壞命、最怕改錯名 ~

所以我用o左一個月時間，用仔仔o既出生時辰八字起o左 90 個名盤，只有 2 個名盤係大吉數，而係可以夾哂所有五行八字、音靈五行、三才五行、天地人格、外格、總格、三才、字解、生肖、部首等問題 ......

需然仔仔原名叫 ＜ 黎珈銘 ＞ 係大吉數，但改o左姓後叫 ＜ 鄧珈銘 ＞ 就變o左三凶之數，真係小凶、中凶、大凶全部都齊全，需然已經改好，不過心諗都係用多半個月，唔會有問題出現，所以我當然係大安至意，到八月份先同仔仔改名o丫 ~

點之 ...... 係呢段時間，唉 ~ 仔仔比個升讀中一o既肥仔用藍球追打，最尾重推佢撞o左落石縛到流哂血，傷口由鼻樑至下唇底，個肥仔重同我講唔小心先撞到我仔仔，當時仔仔又冇講個真相我知，如是唔係我當時真係已經 XYZ佢呀 !  

後來又要去醫院、照 X 光、洗傷口，咁當然我有報警，所以又要去落口供等 ......

唉 ~ 真係一波未停、一波又起，臉部傷口都未好返，係屋企應該安全o丫 ! 坐係電腦打機都可以整親個「啷啷」，即係男性o既重要部位，喊到仔仔娃娃叫o丫 !   

算啦 ! 都係唔好等到八月份先改名，我唔想仔仔再受傷 ~

點之我再睇清楚個新名o既五行八字等問題，先至發現原來我冇睇天地人外格筆數屬吉凶，有冇攪錯竟然人格 22 劃屬大凶數，點解我咁都會睇少一樣呀 ! 明明數過哂樣樣o野都係大吉之數，咁都會睇少o左一個人格數，咁即是又要從新由頭改過，真係「巴街」係話我自己 ~  ...  ...  ... ...  ...  ...

又要從新起過哂所有名盤，不過我之前起o既 90 個名盤全是大吉之數，咁現在為有將所有吉數，不論中吉、小吉或吉之數一次過起哂，一次過睇清楚所有數後再簡名再夾其它等問題吧 !

晚晚仔仔睡覺後我就開始起名盤，因為要快 ...... 所以我足足用o左 3 晚通頂時間，起多 90 個名盤對哂所有o野，原來又係得 2 個名盤簡，話就話 2 個其實都係得 1 個簡，點解 ? 因為其中 1 個名盤中間個字只得 2 劃，2 劃字邊有字簡呀 ! 又要夾其它o野就只得一個「卜」字合符，呢個字點用呀 ! 用o左實比人鬧死，仔仔就肯定比人笑死跟住就肯定大喊兼大鬧 ...... 我呀 !

需然不是全大吉之數，不過好過 1 個都冇得簡，現在最少都是全吉數，真是大中小吉樣樣齊，再夾生肖、部首、五行八字、音靈五行、字解咁就大功告成啦 !

再用多一星期時間，終於改好了，還要立即預約時間改証件，估唔到都已經改好名約o左兩日後啦 ! 呢段時間我只係比仔仔返學，要玩就做完功課係託管中心到玩，都再冇意外發生過，點之真係人算不如天算 ~

都已經去到灣仔啦 ! 竟然係上緊o既電梯途中，同仔仔傾緊計時佢大叫，原來佢對鞋被部電梯夾住，隻腳差o的都夾段，隻腳趾尾破o左皮流哂血還扭親隻腳，所以改好証件資料後帶仔仔返學，需然是行街紙我都第一時間去哂所有地方，就連學校、託管中心、房屋署、診所、醫院、圖書館等等 ...... 唔好再等新証証件先續一去改，現在一次過改哂仔仔o既新名，如果唔係下次我點知佢又整親邊到呀 ! 三凶真係唔講得小 ~

登 ! 登 ! 登登 !! 各位觀眾、好友 ~

Cyrus 新名叫做 ＜＜＜ 鄧棹文 ＞＞＞

需然到現在我都揾唔到「棹」字呢一個測字o既字解，但係其餘必需o既都已經好夾，各位覺得好聽嗎 ? 大家以後見到 Cyrus 記得唔好叫錯呀 !