越大越過份

今日Cyrus 同隔離屋,只大佢一年小妹妹去教會,平時係個小妹妹姐姐帶佢去,今日亦都唔例外,帶到佢去到教會門口就走,大約到 12 點半先接回 ~

不過原來今日 11 時已完結,大家都唔知識,但當 12 點半時,收到仔仔電話,我以為佢打話給我知,還未見到大姐姐啦 ! 不過唔係,佢竟然同我講今日早會已一早完結,佢話係小妹妹叫唔好即時返屋企,要去公園玩喎 ! 佢當然亦都一齊去啦 !

佢打來只係話我知佢要去買飲,問我得唔得呀 ! 我當然話唔得,要佢即時回來啦 !等好耐都未見他們,而大姐姐又話搵好多到地方都搵唔到他們,攪到我要周圍打電話,一個大姐姐,一個大人落街去搵,以我就在家等他們 ~

後來有朋友致電我話見到他們在一個公園玩緊,搵到他們啦 !返到來已經係下午兩點鐘,足足玩 3 個鐘,重要係周圍搵佢隻呀! 如果唔係我四圍搵他們,可能佢重玩緊 ~ 重要全身玩到黑色,塊面呀、手呀搵唔到一處白色,可想然之 ......

今次我無打佢,只是鬧或唔理佢,仔仔不段認錯話會反醒喎 !真係得過講子,我話佢左耳入右耳出就有,可能佢知道我真係好怒,所以佢做哂學校假期工課和一本珠心算,還不用我鬧 9 點鐘已經上床訓覺 !

真係唔知開心定唔開心呀 ! 只係知道我就比佢激死啦 !真係越大越唔聽話,越大越頑皮、難攪,好似我咁,激死呀 ! 救命呀 ! Help me ......