NARS 2-in-1 cake

老了，這幾年的皮膚變了乾性，所以都是用濕粉，沒有用粉餅很久了～

但平時行街，行開化妝店，就會自然的走進去一試不同的產品。（亦因為咁經常出血 -_-!!）有一天心血來潮想試試粉餅，諗住夏天用。試了ＩＰＳＡ，ＢＲＯＢＢＩＥ　ＢＲＯＷＮ，ＲＭＫ，ＳＫＩＩ，ＬＯＬＡ，ＳＨＩＳＨＥＤＯ，等等各大牌子，連勁貴既ＬＡ　ＭＥＲ都試埋。。　始終都買唔落手，因為用完都係十分＂粉面＂，我最怕就係＂粉面＂，而且隻隻都係令Ｄ乾紋勁顯眼，而且令我的皮膚很快便乾透，或許對油性皮膚來說很好，因為可以控油，對我就。。。！　我家姐都睇到擰曬頭，話唔得。

十分失意之際，走了去ＮＡＲＳ，因為好喜歡它的黑色磨沙既包裝。ＳＡＬＥＳ見我睇粉底就走了過來ＳＡＬＥ野，一開口就話＂試吓我地呢隻新出既粉餅丫，佢係全世界最細粉末既粉餅，所以同一般粉餅唔同架，效果好自然架！佢叫２IN1 CAKE，因為佢代替了２　ＷＡＹ　ＣＡＫＥ及粉餅。佢唔使好似２　ＷＡＹ　ＣＡＫＥ咁要濕水用架，好方便架！＂，傾左一論，還是死了去試。試上面後，我呢個唔化妝既家終於叫好，我還未看鏡，半信半疑，心想你都唔化妝，知唔知咩係好呀！？　但一看鏡，我自己都叫好喎！　真係好自然，唔粉面，唔太乾，乾紋唔算太明顯，於是好豪咁話＂咁比一盒我丫唔該＂，都未問價，之後佢話＂多謝４百５０蚊丫＂，嘩！我成世女都未用過咁貴既粉！！！！　不過真係好想買，所以算啦。。。豪佢一次咁多啦。

用了近一個月，仍然覺得好好，　係冷氣地方都唔會令我太乾，我仲覺得佢有少少保濕ＴＩＭ！　番工到放工，都無融妝，只須要輕輕補吓個鼻就得，幾好。　而且佢Ｄ粉真係好細緻，有印既地方可以重複上幾次粉都唔厚妝的！所以真係想高Ｄ遮暇又得，自然Ｄ薄Ｄ又得，得左。

佢係我到現時為止用過最好既粉餅。