全家幅

一張我近來好喜歡的一張照片,
好難得一張近來令我較為滿意的家庭合照...
全部人都笑,全部人都好靚,全部人都好開心.....
但是我知道我永遠都不能再影到一張
令媽媽認同的"全家幅"....
因為相中會永遠缺少了一個人 ~ 老豆.....

爸爸在生時,
我們從來都沒認真影過"全家幅",
沒有留底或者是不好的像數,
或者不齊人.....
總之就是沒有可記念的....
唯一記得最靚的,
就只有上年媽媽生日的這一張....



一年了,我好掛住佢,
每當依家我地四個一齊好開心笑時,
心中都會想起爸爸,
想起佢對人好熱情的樣子,
想起佢發我脾氣個樣,
想起佢無理取鬧屈我整爛公仔個樣,
想起佢好錫媽媽買生日禮物個樣...
~~~~~~~~~~~~~~~~~~~~~~~~~
老豆,我好掛住你,我會努力的愛錫媽媽,
兩個細佬好乖,對媽媽同對我都好好,
我們會很努力去照顧媽媽,
你不用擔心,我們一定會養佢,愛護佢,
就好似你從前咁寵佢,咁愛佢一樣.......
老豆,我永遠都愛你!!!
我知道你都係,
直到永遠都係我0個個肥仔老豆