呼吸, 吳哥獅城 - 終, 我感

唔.........  終於實現咗我去吳哥嘅心願.

宏偉嘅建築, 精緻嘅雕刻, 簡直不枉此行.

不過我發覺吳哥嘅景點好多都有差唔多嘅感覺, 所以去3日個人妮講就好夠. 假如我去之前睇多d資料, 認識下妮d景點各自嘅歷史同建築用途, 我一定更加enjoy 妮次旅程.

其實去吳哥好多人都會請當地導遊做講解, 識英文, 日文, 普通話, 法文, 廣東話嘅導遊都有, 唔愁搵唔到. 不過請導遊要額外俾錢, 唔多合乎我經濟原則, 二妮要俾導遊guide 住行我自己又唔太鍾意.

當然有得必有失, 好似我咁冇做下功課就去就好似純粹睇石頭. 不過睇石頭我已經好滿足, 因為妮d係非一般嘅石頭!!!

要講有咩唔太好嘅地方, 我諗就係遊覽個3日個天都比較黑沉沉, 影相爭d. 同埋因為我住嘅係guesthouse, 唔係 hotel, 所以幾建議應該帶定個人日用品, 好似洗頭水番梘, 免得guesthouse 提供個d用唔慣要出去買麻煩. (定係我要求多多??)

仲有, 妮個係事實, 如果你對古蹟冇任何興趣, 我勸你千奇唔好妮柬埔寨, 會好悶好悶好悶!!!!!!!

至於新加坡就因為係果樹 transit 先去. 我嘅感覺係新加坡同香港勁似, 除咗d人主要講英文同好多印度人之外 (印度人嘅數量係我冇諗過咁多!!).

新加坡d野食其實好正, 奈何得我一條友, 自己又細食, 想食多少少唔同款都唔可以.

至於景點, 佢實在有過多動物園同博物館, 而且入場費又唔係平, 對我妮講當然冇吸引力啦!

加上佢嘅天氣實在爭d, 係比柬埔寨更差, 任何時刻都會落場雨. 就算唔落個天都成日黑沉沉, 咩mood都冇晒!

可能星紙最近升番好多, 我覺得新加坡物價都幾貴, 個人覺得去其他國家會比較化算. 不過咁, 有機會見識下都ok!

總結, 我覺得新加坡玩兩個full days 好夠.

要講唔開心就係係新加坡同時整親隻手. 個傷口雖然唔大, 不過就有d深, 要成個幾星期先至肯埋!

妮件事令我明白到以後一個人去旅行要俾多十萬倍小心, 如果我果時唔係貪方便就一定唔會乃野.

咁妮次旅程我總共洗咗幾多? 所有野, 連埋相關費用好似係屋企搭機場巴士去機場, 一共HKD 6,400大元左右, 算係咁啦.

而我妮次亦冇買任何手信!

最後post d 用過嘅外幣, 依次序柬埔寨紙, 星紙, 美金.

Bye.