網誌分類：秋楓銘 2009 |
圖片
網誌日期：2009-11-14 18:35
朝早沖完涼check out, 拖住個喼搭8點半長途巴士離開釜山去大邱.
搭地鐵去老圃洞站, 車程大概40分鐘. 講下地鐵票價, 佢只係分1,100 won 同 1,300 won 兩種, 視乎範圍而定. 妮次就要1,300 won. 尋晚就1,100 won. 仲有一種係3,500 won 嘅 one - day pass, 我之後番釜山遊覽就買佢.
一出老圃洞站隔離就係釜山綜合巴士站. 講起韓國d 長途巴士, 佢只可以係特定嘅巴士站至有得搭, 分市外巴士站同高速巴士站兩種. 前者所有野齋用韓文顯示, 落車站多, 反之後者就有d英文, 落車站少 (我嘅經驗係搭親都係點對點直去, 冇中途站!), 相對唔洗擔心落錯車, 不過車票就貴d.
而妮個釜山綜合巴士站就集市外巴士站同高速巴士站於一身. 為安全我就搭高速巴士.
我早有預備, 用韓文係紙仔寫低我想去嘅地方, 搭車時間又或者票種俾售票站職員, 以免買錯.
釜山去大邱盛惠6,100 won, 一般高速價錢. 若然買優等高速車票再貴多一d, 不過只係架車座位少, 坐得比較舒服.
高速巴士售票處, 有中英文地方名睇下, 好過冇.
要搵上車地方點講記英文好過韓文. 大概個半鐘頭車.
到咗東大邱高速巴士站後就即刻搵motel. 係妮d巴士站附近有好多motel, 住宿不成問題, 問題係價錢你buy 唔buy. 搵咗好幾間, 卒之搵到間叫Motel Capri, 間房有埋電腦上網, 一晚40,000 won. 我就一連住3晚
放低個喼就開始行程第一站, 八公山賞楓.
東大邱高速巴士站附近係東大邱地鐵站同東大邱火車站, 上網查過搭104, 105 市內巴士就可以去八公山.
點知附近市內巴士站冇104, 105. 我唯有問tourist centre d 職員 (佢地識英文嫁!). 佢建議我搭另一架巴士, 仲用紙仔寫埋個樹地方嘅韓文同車資俾我.
搭咗8個字車 (1,500 won) 終於到, 係尾站.
我拿拿聲搭cable car 上八公山山頂 (7,000 won來回), 點知........
冇紅葉嘅, 咩都冇, 風就 "焚焚聲" ! 好失望!
韓國觀光公社話10月29號係八公山紅葉 "當造期" , 我係遲咗妮, 11月3日先仆到, 但唔洗屍都冇塊俾我睇掛!
連搭cable car上山頂途中都冇! 正確d講我都見唔到楓樹, 何來紅葉!
係山頂一陣就走!
又唔可以話一棵都冇, 係山腳cable car 站出面就有兩棵, 都係好失望!
之後對八公山隔離嘅桐華寺冇晒寄望, 不過一場妮到就入去睇下, 唔通返motel 咩!
行去桐華寺途中見到妮d.
桐華寺 (2,500 won) 環境都ok, 好多佛.
有人係度拜佛!
之後搭車出番去市區. 點知落早咗, 好在附近有地鐵站.
原來只係落早一兩個站. 咁我就試下搭大邱d地鐵. 佢d價錢仲簡單, 得1,100won 一種. (居然冇one-day pass 買!)
想去搵間係地鐵中央路站附近嘅教堂, 點知搵咗好耐都唔見, 咁就放棄卒之再搭地鐵返東大邱.
我係motel 附近一間餐廳叫咗個餐. 叫嘅過程幾狼狽, 我係門口見到相, 入去以為menu 或者其他地方都會有相, 點知係冇, 咁我就用動作叫職員同我出去指張相俾佢睇, 終於先叫到我想食個餐.
唔錯, 5,000 won. 食飽飽返motel.
Motel 房間一覽, 唔錯唔錯! 仲正過普通hotel.
