秋意, 韓楓 - 序

第一次係旅行前寫序.....

個post 出個陣我已經身在韓國.

點解去韓國? 只係為咗睇紅葉!

以前跟團去日本都睇過, 不過係水尾.

好想睇下 "當造"  個下嘅紅葉.

係resign 之後除咗plan 去柬埔寨, 同一時間都plan 下睇紅葉嘅可能.....

日本就放棄咗, 因為yen 實在太貴.

卒之鎖定韓國! (又可以有新印仔, yeah!!! )

宜家won 都升番好多, 不過相對 yen 會較好洗一d.

去韓國對我實在係一大挑戰, 第一次面對完全唔識嘅文字.

日文還好有d漢字可以估下, 而柬埔寨嘅人唔少都識得英文, 但係韓文真係冇晒辦法, 不幸嘅係你當韓國人唔識英文會好過d. 妮個comment 係睇forum 得番妮.

實際係點留待我之後引證. 不過我就唔敢咁玩, 比之前更落力做planning, 抄底有用嘅韓文應急! 

講咁耐我去韓國邊樹? 唔係首爾, 係釜山.

日期: 2/11/2009 - 9/11/2009 (8日)

妮段日子應該可以 睇到 "最當造" 嘅紅葉. 希望成事啦, 話晒天氣嘅野你我不能預料.

個plan 我會以較為悠閒妮形容, 因為去嘅主因係紅葉, 本身對韓國興趣不大. (如果能夠改觀都未嘗係一件壞事!)

今次就買package, 係東瀛遊買. 唔幫親佢唔得, 我問咗幾間得佢有一人釜山package!

10月25號先仆去買, 諗住30號走, 點知職員話太急, 最快都係下個月2號. 佢話要等酒店回覆都要幾日喎.

錢都要即刻俾晒!

好彩係28號終於收到電話confirm咗!

連 tax 盛惠$3,371 ($2,889 + $482), 包3晚酒店. 個價 o 唔ok? 我唔知, 只知最平係妮個.

同上次柬埔寨一樣唱咗400美金先 (HKD3,110.8), 諗住再係當地轉番 won. 我 budget只係得咁多, 當然我都會帶d港紙作不時之需.

預算妮次旅程嘅總開支係$6,700左右.

紅葉, 等埋我!