錢

我既負債己經去到12萬幾. 人工得7千.. 每個月還成萬蚊.. 真係人都癲..

雖然我既負債每個月都有回落. 但係仲未做到可以比銀行做咭數一筆清.

唔知係咪因為我既信貸評級太差. 問過好幾間銀行. 但係佢地都話我做唔倒咭數一筆清. 儘管. 我既負債已經係佢地所謂既廣告上面寫住既18倍. 但係. 都係向我say no. 係上星期尾. 聽倒呢d消息. 我真係好唔開心..

上個星期尾. 諗住搵屋企人幫手. 但係佢竟然話唔會幫我. 其實我都諗住輸數. 因為我同佢其實係電話入面爆大鑊. 已經火上加油. 講到大家都火起. 我都唔想講任何野就收左佢線. 好無奈咁.. 過左一個星期六日. 原本應該平平無奇既星期日都變得愁雲慘霧.

係呢個星期尾. 試過打去問d律師行or顧問公司. 佢地都話可以幫我做債務重組. 但係. 就要我分4-6期比堂費. 唉. 我d銀根會唔會因為而冇晒???? 係個一刻. 好心灰.. 又要找數. 但又唔夠錢比佢地幫我搞重組.

今日係星期一. 原來諗住請今個星期六去顧問公司度搞iva. 點知啊姐問我咩事. 但係我又唔想答. 就咁係佢面前喊左出黎. 呢件事. 好似全公司都睇倒晒.. 我個心好唔開心..

到左今晚. 有間顧間公司同我傾. 話叫我做左做債務舒緩先. 因為我就算做iva都冇. 佢話我只得兩個債主. 啊大係aeon. 啊細係hsbc. 如果aeon唔肯. 我都係死咁話. 咁就真係一條路去破產. 其實佢咁講都岩. 如果真係aeon唔肯. 就算hsbc肯. 都係冇用.

係今晚. 搭巴士既時候.. 有向晴軒社工打黎同我傾. 我覺得佢都講得幾岩. 我個case就正如上述咁講. 真係要博. 如果aeon唔肯我都係死. 況且. 我個case係做唔倒債務重緩. 因為我個債額唔過16萬. so. 社工話冇得做. 咁但係點解市面上有咁多顧間公司話可以幫我做iva ge? 其實我都唔明點解. 不過佢咁講. 都只係講個事實出黎je.

社工話. 叫我最好同左呢兩個債主傾左有冇得做舒緩先. 如果有就當然最好la. 因為可以比少d錢比街外人賺咁話. 呢句都係岩既. 但係我有呢個本領做倒呢樣野咩...????then先再搵顧間公司幫手同呢兩個債主傾. 但係如果我都傾唔成. 咁點解佢地又可以有機會傾得成呢? 我又開始諗唔明喇. 不過anyway. 我都多謝向晴軒既社工同我分析. 因為起碼唔係真係打到去d志願機構度. 剩係識話叫你上黎聽講座. 然後. 有社工or律師+會計師同你傾. 其實我都只係想有人聽我講我心裡面既問題je. 唔知係咪因為而家有太多人有負債. so. 搞到d社工都好忙. so. 連約上黎聽講座都要約到下下星期先有位. 聽到咁我好失望.

其實. 有人話幫我做債務舒緩. 其實我都覺得係一線曙光.. 因為aeon真係要供過左6期先肯傾ga. 但係我而家先還左5期. 就真係唔知aeon肯唔肯傾喇... 唉.. 留待明天我打去hsbc同aeon既債務重組度問la.

我為左自己呢一身債. 好唔開心. 日日都為左有冇錢找數而唔開心. 一方向. 驚冇晒錢做出面講既唔over16萬都做倒既iva.. 另一方面又要準時找數. 因為一唔準找數or走數. 都會影響以後既事. 就好似如果我之後真係逼住做iva. 我都起碼要有一舊錢先做倒ga.. 我冇錢. d顧問公司都唔會幫我做. 就好似連破產. 自己申請都要9千6百幾蚊.. 我都係呢幾日先知原來破產都有接近1萬蚊先可以做. 但係好似我咁. 冇人幫. 我就真係連破產都唔掂.. 真係希望自己去問呢兩個債主做舒緩or顧問公司都可以幫倒手做野. 如果傾得掂.. 等我第時每個月有錢還得黎.. 都仲有生活費都好ar..

雖然我唔可以講係一個好負責任既人. 但係錢係自己問銀行借既. 我冇可能唔還. 況且. 我都唔想自己搞破產. 因為咁樣. 可能仲慘過搞iva. 雖然我本人都冇物業. 但係感覺始終都唔好受. 唔想連係公司度都要比人知我咩事咁.. 反正屋企既人都對我不聞不問. 我仲可以做咩wo....