錢

其實本來我都諗住聽loaneasy個周生講. 試下問大眾or邦民借6萬幾黎還左aeon條數. 將aeon條數變大眾條數. 然後. 就做債務重組.

點知今日發現原來我可以唔駛做債務重組. 因為今日番番下工. aeon打黎問我申唔申請信用咭. 佢話仲可以將我本身係aeon個4條數變成1條數. 然後. 放落去張咭度. 拉長做24期咁還番比aeon. 咁即係我以後. 每個月只係需要還2千8百幾比aeon喇. 咁我緊係即刻lur飯應la. 不過. 唔知係咪真係咁筍呢. 而且. 張咭既limit誇張到冇人有. 係我而家係aeon度既負債. 6萬8千幾.. 真係好誇張... 點都好la.  我又可以慳番一律錢做債務重組. 況且. 如果真係既話. 我只係需要用兩年時間還錢比aeon. 點都好過做重組. 因為一做重組. 我可能要還錢比aeon+hsbc. total3千幾. 還足48期or以上... 諗落其實我都有著數. 仲要wo. 個條大數落左去張咭度. 仲係免息分24期. 咁當然. 如果我遲還錢. 就緊係要罰錢同要罰息la. 聽佢講好似比多2厘or4厘. 點都好過. 做重組. 一還錢就還4年ar..

況且. 如果做左重組第時. 還晒錢.. 去番hsbc or aeon借錢係會冇得傾.. 諗到咁我又唔想搞成咁wo.. 點都好. 做債務重組真係拎成萬蚊出黎先有得搞ga.. 不過. 好多律師樓同顧問公司都可以幫你做分期比ge.