網誌分類：狗狗 |
琴朝早起身覺得高高唔妥, 單眼瞓係度唔郁, 又唔埋黎拿食. 打開隻右眼睇, 見眼白好多紅根. 我摸佢頭, 同佢講: 遲D帶你睇vet, 小白走來鍚佢頭同臉. 衰妹都好cool, 平時唔啋高高, 但有事佢會走埋黎睇咩事. 梅梅就冇走埋黎. 我自己又肚痛, 想請病假, 順便同高高睇vet. 但有新同事返工, 上司有命要食welcome lunch. 佢對我印象已經麻麻, 如果唔返, 更加唔likey. 但成朝個肚 ge li gu lu, 個心掛住高高, 想佢快D好返, 因連續2個星期日都有狗活動, 唔想掉低佢係屋企. 於是book vet, 下午有位, 咪食完飯, 即刻請病假, 同高高睇完先到自己睇.
驗左話佢老啦, 淚水分汝不足, 眼乾, 可能鼻旁的毛入眼, 佢捽眼, 令至眼損傷. 好返後, 佢要長期滴潤眼水, 密D剪鼻旁毛, 或用凡士林搽鼻旁毛, 等毛唔會入眼. 個Vet讚我, 肯咁快帶佢來睇, 因眼病可大可小, 可以好短時間惡化. 有些主人過左幾日, 甚至2星期後先帶動物來醫眼, 太遲, 冇得醫. Vet 知我有帶佢游水, 佢話very good, swimming對老狗, 又其是關節有幫助.
今朝見佢隻眼開返, 眼仔碌碌, 好似冇事咁. 不過vet 叫我星期六再返去比佢check, check, 安心D 喎.
