仲凌上學去~

2009年8月6日, 夏, 下雨天

仲凌終於返學喇~

心裡一直好想仲凌返學, 希望佢學會不再依賴, 好想佢識朋友仔, 唔再做獨行俠~ 好想佢知道咩叫社交~

今日早上8點既時候, 為仲凌穿上校服時, 百感交集, 深深感覺到仲凌突然長大左好多~ 突然好唔想佢返學~ 點解呢? 係因為唔捨得仲凌長大?!

上到班房, 玩左一陣, 仲凌先比一個驚喜我~ 仲凌竟然自己收拾玩具!!! 心想.... w.h.a.t.?! 執玩具?!

再過一陣, 老師安頓好晒十幾個小朋友後, 就開始派早餐~

見到仲凌自己一啖一啖咁食晒成個早餐, 再叫周老師比多一件蛋糕佢時, 我眼紅了~ 原來仲凌響不知不覺間, 已經長大左好多~ 同時地, 原來我都真係咁唔捨得仲凌長大~ 腦海裡不停浮現出世時既你~ 手抱既你~ 學行既你~ 牙牙學語既你~

寫到呢到, 媽媽已經寫唔到落去了~ 喊死左~

仲凌~ 媽媽希望你開開心心, 健健康康, 做個好孩子~ 媽媽希望你好好享受你以後每一個校園生活~ 開開心心上學去~