疑似好工

連日來忙應徵見工，, 今日終於有份Shop Sales  IN 啦。

真的託「潮人」的鴻福，, 竟然俾我遇著一份疑似筍工。

好的程度達到 「lur飯應」級別。

為何關亞潮人事呢? 皆因他說每晚都為我祈禱, 祈求我快d搵到工,讓他不用擔心, 我唔洗日日係屋企訓住hea喎~

而我每次interview後會打俾潮人報告, 可惜每次我都說, 「唔岩呀」「唔想做丫!」「工廠大廈黎既!」

「次次你梗係有籍口唔妥人地架wor...」連達令潮人都知道我好唔情願搵工....(慚愧)

今次大休完, 我都唔想再返office咁悶, 極想轉做sales睇下有冇人請。 

以為今日會食白果啦, 因我無零售經驗。但最後竟然即時confirm請我, 仲要高職位喎...(有無咁大隻蛤乸隨街跳呀)

所以要多謝潮人及亞拉神呀, 呢個總算是個奇蹟.......