我怪?原來我恐懼。

前兩日睇報紙發現左篇幾有趣既報導

佢列出左10種古怪又稀奇嘅恐懼症

睇吓又諗吓再問吓自己   

原來有d同自己性情都幾相似架

10種稀奇古怪恐懼症如下 :

Arachibutyrophobia 怕花生醬黏著上顎

Dextrophobia 怕身體右邊所有東西

Hippopotomonstrosesquippedalio-phobia 怕「水蛇春」般長的字

Aulophobia 怕笛聲

Doxophobia 怕表達意見

Clinophobia 怕目訓床

Soceraphobia 怕老爺、奶奶、岳丈、岳母

Optophobia 怕睜開眼

Symmetrophobia 怕所有對稱的東西

Liticaphobia 怕打官司

怕花生醬黏著上顎 我冇, 我反而係反方向, 即係如果d花生醬/朱古力/cheese cake黏住我上顎的話, 我會有d興奮....

怕身體右邊所有東西 我唔係, 不過我身邊有d朋友好似係, 因為我企親佢右邊, 佢梗係繞過我, 企番係我右邊架

怕「水蛇春」般長的字 我就係啦! 一見長英文字就有輕微眼花

怕睜開眼 有段時間好唔開心, 情緒陷於低谷. 每一朝當睡眼惺忪快要醒來之際, 都有種難以面對快將清醒嘅自己.幸好, 現在此感覺已滅失.

怕所有對稱的東西  咁多個症狀中, 我以呢個最嚴重. 除左對不規則嘅野特別喜愛外. 我真係對"對稱"有好大嘅抗拒.

例如影相, 影人一定唔會擺正中, 構圖種係一邊重一邊輕, 亦唔太喜歡以對稱物為焦點. 如果件嘢係對稱, 我就一定唔會正面影, 又或者會偏重一邊, 又又或者會轉個角度.

又好似帶耳環咁, 我基本上係唔會帶兩邊一樣既耳環(即一對), 如果帶親兩邊一樣, 我就硬係覺得自己個日失色咗,跌哂watt咁, 甚至覺得自己個樣好怪.

所以就連我D耳窿分佈都係不對稱, 右面下耳珠一個上耳骨兩個, 左面係下耳珠二個.

諗番起, 其實我自小已經好怕對稱, 最經典係.

唔知大家小學美術堂時有冇玩過呢......先將一張A3嘅畫紙對摺, 打開分成兩個A4面, 將D顏料"唧"係其中一面A4既範圍, 之後合上兩面再慢慢打開, 掃平. 咁你就會見到剛才唧出嘅顏色印左係兩面架啦. (講到呢度, 我有少想起雞皮呀!)

我以前成日會係個腦度出現打開張畫, 見到手上個兩面都印住對稱圖案嘅畫紙, 慢慢展現係我前面, 我總係將對手遞得好遠, 好唔想掂張畫咁.....

不過就算話係最嚴重, 我相信只係好輕微, 絕對該唔會構成生活不便或者生命危險嘅.

知道有咁多奇形怪狀嘅恐懼症都幾好, 怪人原來唔止我一個!hee...hee...