尋人啟事

下午.我花左幾小時睇亙聯網的 Blog & Facebok .見到一段尋人啟事.竟然成功地幫佢搵到幾十年的故[固]友．所以我有樣學樣．睇睇幸運會唔會降落在我身上．需然係渺茫少少．但我有信心．

首先，我想幫自已搵番我小學時的舊同學．當我１１歲小學畢業果年．如果我冇記錯日子，應該就係香港暴動果年，亦系最盛行攪移民潮，當時香港滿街都是土制菠蘿．〔播音王子林彬都系果年被炸死的〕．美孚新村的業主．當年為了賣樓套現攪移民．在報紙頭條大字標題買樓送賓士．所以我有好多小學同學就係當年被父母帶去外國落地生根．之後便和我們留港的同學失去了聯絡了．

其實我資料唔詳盡．盡量記得幾多寫幾多咋．我想搵1967年畢業於黃大仙天主教小學．第幾屆我就真係唔記得啦．我只記得果年五年班教我地既英文老師叫吳永正老師〔男〕．可惜教了兩年．佢因患了癌症便離開了我們．音樂老師叫何君靜老師〔男〕，體育老師叫馮珮嬋老師〔女〕．班主任曾經有張怡馨老師〔６Ｄ〕及黃英傑老師〔４Ｄ＆５Ｄ〕．校監就係鬼佬達神父．亦係我在聖德勒撤教堂結婚時既主禮神父，其它我就全部唔記得咯．希望願望成真搵番ｄ小學同學啦．

當年我有幾個好同學．成日一齊玩既有林松Ｘ，杜國Ｘ，許孟Ｘ，鄭木Ｘ等等．．．而至今仍然留系香港既小學同學，我地仍然保持聯絡．每年都會有一兩次聚會．包括：龍金Ｘ．金鳳Ｘ．方淑Ｘ．譚連Ｘ．粱培Ｘ，關詠Ｘ等等．我希望移左民果班小學同學或佢地既家人見到會通知一聲．咁我就好快會搵番晒佢地啦．．．哈哈．．．．．天真．．妄想．．．