簡直過份，目無法紀

　　話說我地今晚一行九人去栢惠樓下食泰國餐，當我哋食飽一頓好豐富的晚餐之後，就出門口攞番架電單車返屋企。

　　當出到門口時，大家都發現左一ｄ好奇怪的事：有架電單車掀開左個車ｓｅａｔ，冇閂埋。點知再望真ｄ，噢～～～原來係我架車呀！但我百分百肯定我臨行前一定有閂好車ｓｅａｔ，再拔鎖匙（我一向的習慣），之後我第一時間撲埋去睇下個頭盔有冇唔見～～～～～好彩仲係度～～～～～否則唔知點返屋企。當朋友們懷疑我係咪冇閂好車ｓｅａｔ之時，其中一人掀開隔離架電單車，點知連旁邊架電單車都係一樣，一樣係比人撬開左個頭盔箱。

　　都唔知而家咩世界，話晒栢惠附近都人多車多，條街又唔係黑，而且仲已經有人係對面中國銀行陫緊隊，準備買奧運紀念鈔票，但原來真係有人咁狼死，公然撬開人地架電單車．．．真係太過份啦！雖然我架戰車內只得兩個頭盔，一件風褸，一件雨褸，貴重物品就欠奉，但都係有種比人偷竊的感覺。

　　唉～～話晒我架電單車又唔係身光頸靚，直頭可以話又殘又舊，咁都會中招，ｄ賊仔真係冇眼光。