Disney (12) @ 07/06/09

今日同鐵腳傑媽 & 傑傑 & K又一齊入park玩喇！因為傑媽 & 傑傑都好想玩水花巡遊，所以完聚會後食埋飯就趕入去玩啦！而我同Kathy就早d入去，可以順便睇埋兩點o個場表演，當欣欣見到我地時，佢竟然問我地係咪住酒店，事關兩日都見到我地嘛！哈 ... 被佢咁樣一問，除左答佢我地得閒之外，就唯有大家一齊o係度笑啦！

之後兩點多鐘傑媽佢地就黎到喇！原本諗住去坐一次船先返黎睇表演，但到達城堡前我地就搵到新玩意喇！ 首先比我發現呢位可愛的靚靚妹妹，仲偷偷地影左幾張相添。

跟住我 & K & 傑媽就好無聊咁突然玩起影跳跳相呢個玩意，仲一影就影左起大約15分鐘添！可能傑傑心諗你地玩夠未呀？你地玩不特止，仲要迫佢一齊玩 ... 哈哈！ (相就post傑傑呢d算啦，我地o個d等第次跳靚d先post啦！)

三點呢場表演又有驚喜喇！今次佢地居然有一part唱歌呀！又影唔切video啦 ...

睇完佢地就搵個靚位睇水花巡遊，今日我冇影相喇！要好好享受呢d水花呀！(咁熱既天氣下濕下身都幾好玩架！) 睇完WFP就真係去左玩森林河流之旅喇，仲有玩埋Buzz呀。

最後就睇埋4:40pm呢場表演，但中途開始有小小雨點，所以樂隊們表演左兩首歌就要離開喇！

(欣欣每次見到鏡頭對住佢，都會擺出可愛的動作比我地影架！)

(但靚姐姐Dorothy呢日點解好似悶悶不樂咁既？只係見到佢偶然一笑喳！)

見到佢地咁快離開，我地唯有望住佢地的背影慢慢遠去啦！

之後我地冇睇HSM都離開喇 ... 因為要去探婆婆嘛。