dinner @ 大榮華酒樓

尋日下午又去左探亞婆, 當Peg知道我地又要入元朗時, 佢即刻提議去大榮華晚飯 ... 橫掂我同屋企人都未試過, 咁就咁決定啦!

當探完亞婆後與kit kit一家去到大榮華都已經大約6:15pm喇, 門口已經企左好多等位既人, 我地o係咁多人等位既情況下都足足等左一個鐘先有位架! (因為之前諗住book位但已經full左, 所以要5:00pm後自己去walk-in等位)

今晚的菜式有:

招牌五味雞 -- D雞肉好滑架!

桂花蟹肉炒魚肚

菠蘿生炒骨

拖地叉燒 -- 好多肥肉既叉燒, but我鐘意食瘦叉多D

麪醬茄子班腩煲

雜菜粉絲煲

呢度都好出名既豬油撈飯, 不過大家都怕肥 ... 所以只叫了一碗來試味

奶皇馬拉糕 -- 糕身好鬆軟, 好好味呀!

飯後甜品 -- 麥米粥 (其他人食紅荳沙)

食飽飽後kit少又回復真本色, 發揮佢個人talk show的本領; 佢呢晚足足四個鐘頭唔停口咁講野, 有時真係比佢講D野笑死, 但亦都多謝佢娛樂左我地一晚 ...  (哈 ... 佢今次面對住幾位陌生人都可以咁嘈喎!! )

佢臨尾仲發生左一件勁好笑的趣事 .. 話說佢地一家到站落車時, 佢落車後仲好興奮咁跳跳下同仍然在車上的我們揮手講bye bye, 就o係呢個時候佢就失足向後咁坐左落坑渠 (係一條坑o個隻),  我地一家同Peg都即刻笑左出黎, 只見到kit ba急急的扶起個仔喳! 幸好當時車上其他乘客都落得咁上下, 咪我地係咁大笑實失禮死人喇!!