Disney (15) @ 01/07/09

早排天氣唔穩定又成日落雨, 令到我地成兩個半星期冇得入park, 攪到我都有D掛住佢添 ...  終於尋日天氣放晴, 所以我同Kathy & Bear就入去玩喇!

入到去第一個節目就係睇樂隊表演, 不過呢日兩位靚女都無返工, 所以我地三個都不約而同話冇mood影相啦!! (但見佢地換左夏季而我又冇影過, 就隨意影左幾張 & 同左佢地其中幾位成員影合照囉! 因為下次兩位靚女o係度, 我地就唔得閒理佢地架喇! )

之後就去玩Buzz同Space Mountain, 估唔到咁少人喎, 連隊都唔駛排就可以直入去玩喇!  玩完後又去埋米奇大屋, 唯一唔同之前既係而家有Mickey & Minnie o係度同大家影相呀! (唔知點解硬係覺得o係呢度好難影到適合光度既靚相呢? 次次都影得唔太好既 ... )

o係大屋出番黎後就差唔多到MWW開始喇! 呢日天氣真係勁熱, 烈日當空企o係度真係feel到對腳熱到出汗架!

睇完呢個parade除左去了城堡後面的shop行左半個圈外, 我地就即刻轉呔去火箭過冷河休息喇! 仲一坐就成個鐘, 到了五點睇HSM先出返去繼續活動呀!

(呢個就係我既下午茶喇! )

(好似好耐冇睇過的HSM, 好欣賞呢班演藝人員無論天氣幾熱, 佢地面上既笑容都依然好燦爛, 比人好敬業樂業既感覺!! )

當HSM散場後就撞到車厘子喇! 呢日大家都知對方會入park, 但就冇刻意約埋一齊玩, 實行各有各玩, 鐘意去玩又得影相又得啦! 不過最後都比我地撞到喎, 之後仲一齊去搵Stitch的其中兩個景點影相 & 一齊睇大街show喇!

完show後再去shop行左一陣就走lu,  呢日總共行左四個半鐘, 對腳已經好攰喇!