心聲

上年2007年年尾開始,到2008年依家一月中,短短唔夠一個月已經發生咗好多野,哩段日子裡面,冇一日開心過,係哩段日子裡面發生既事,只有幾位最好既朋友知道,佢地個個都好錫我,知我唔開心,唔日日都會隔日打俾我或者SMS俾我,屋企人亦冇因為哩件事而大吵大鬧,反而俾我想像中更關心我,我亦因為發生哩件事之後,真正咁發覺到亞爸亞媽有幾錫我,哩幾個朋友有幾關心我,我真係覺得好感動!!以後我會好好珍惜佢地對我既愛護同關心...
相反我同佢,發生哩件事之後,反而覺得好似感覺淡咗好多,冇咗之前個種開心,有時我都會問自己,我地係米真係可以有將來?我係米真係咁愛佢?到底又有幾愛佢?但係我自問,我一向男朋友係我心目中,永遠都係掛第一位,亞爸亞媽都只會排第二,永遠做咩都只會諗起佢先,其他人都不及佢重要!但係我係佢心目中,我真係唔知我有幾重要?佢有幾愛我?佢有幾在乎我?有幾著緊我?有時我真係覺得其實佢唔係好愛我,亦唔在乎我既事,永遠我同佢講既野,無論重要或唔重要,佢都好似冇聽過咁,講完又問,問完再問,咁我同佢講黎做咩,咁佢問黎又做咩呢?根本佢都冇用個心去記我既野!!到我發脾氣話佢,佢就只會同我講佢忙,所以佢唔記得,忙只會係藉口,如果佢真係在乎我,唔會每次都係咁,我同佢講十成野,佢可能只聽得兩成,我唔相信一個人可以忙到連女朋友同佢講過既野,完全好似冇聽過咁,如果真係咁既話,只有哩個人唔在乎佢女朋友既事只會咁!又成日都要我講俾佢知我嬲咩,有時我真係覺得我講出黎會有用咩?佢真係會明我點諗?會明我需要乜野咩?點解佢唔可以細心諗下,其實佢好多時太多唔細心既事,做之前冇諗過我感受.至會令我唔開心,雖然有時真係好少事,但係因為我著緊我地哩段感情,對我黎講咩事都好重要!但係相反佢只會覺得我係米都發脾氣同嬲!!我真係唔想揀個男朋友,要揀到我要教佢點做我男朋友,咁樣冇意思!佢又可以問我哩D係咩人,個D係咩人,咩人send sms俾我,我全部都會實話咁講俾佢知,但係到我問佢,佢只會俾我感覺,佢敷衍答咗我就算,但係老實話唔會同我講!對其他女仔同對自己女朋友冇咩分別,對女異朋友同女同事亦唔會有避諱,但係我就要對佢同其他男性朋友有分別,亦要有避諱,點解可以咁呢??點解佢永遠都咁唔細心??永遠都俾唔到安全感我??永遠都俾唔到信心我可以信佢??
我有時又諗,究竟我有冇揀錯?究竟我有冇需要再揀過?我真係唔知我地仲可以維持到幾耐,我真係開始覺得愛佢愛得好辛苦,愛得好唔開心!依家我只係知道,由依家開始唔會再放佢係第一位,唔會再咁著緊佢既所有野,亦只會愛我自己多D,亦唔敢再對佢有任何希望,唔想再因為佢而令自己唔開心,我唔想每次諗起都會喊!我真係唔知以後可以再點樣...