網誌分類：週圍吃喝 |
圖片
網誌日期：2009-09-21 16:35
星期日13/9上晝都仲係陽光普照,點知一到黃昏五,六點就落起傾盆大雨,有遮都會濕果隻。本應約咗友友fion,何氏夫婦,昂坪360經理兩夫婦,一行七人去黃埔outback到聚一聚,一出門口就雷雨交加,傾盆大雨,好彩有何氏夫婦揸架車嚟接我哋,真係萬二分感激!!
一去到就係咁食黑糖包,起初未嚟齊幾個人一食就已經食咗三條,傻仔仲同侍應講有剩就放低,點知一放就放多兩條,真係呆晒!!
ribs燒得夠香口,一咬就骨肉分離係最啱我食嘅!!
安格斯肉眼伴甜蕃薯同薯仔,一切啲肉汁就會响入面流出嚟,好鬼正!!
洋蔥花球,個汁反而係最好味
炸磨菇係好味過洋蔥花球好多好多
阿拉斯加蟹腳x2,因為實在太好味,我哋個個都好鍾意食,所以要嚟多一round
呢個係前兩日友友fion送俾我嘅生日禮物,係用我至愛嘅ruru玻璃樽裝住好多塊Godiva朱古力,好有心思,加陣放咗响公司到做零食,多謝晒!!!fion
FSCN8674.JPG
DSCN9999.JPG
DSCN9997.JPG
肥肥鴨乸 2009-09-25 11:08
未食過outback洋蔥花球添
未出發先興奮2009-09-28 11:03
但麻麻地噃!!寧願食炸蘑菇囉!!
Dada 2009-09-22 16:25
嘩...洋蔥花我都好耐冇食啦。但點解個 rib 有蕃薯&薯仔咁又薯既。我係第一次見咋。因為我食多數係薯+雜菜咁給噃
未出發先興奮2009-09-23 23:54
洋蔥花都係嘛嘛地,炸蘑菇好味好多
唔係噃!!蕃薯同薯仔果個配搭係安格斯肉眼嚟架!!
catcat327 2009-09-22 12:48
BABY ... 點解 fion 又買到 ruru 架, 佢係邊樹買 .. 可唔可以講比我知呢 ??
outback 的蟹腳超正呀 ...
未出發先興奮2009-09-22 15:56
咁等我問下佢先!!baby你想買俾我呢!!一定係......
蟹腳見你上次去食得咁過癮成碟上,我都叫埋一份,又真係好正架!!一大碟都係蟹腳!!