港隊東亞足球贏金牌@一家人小肥牛烚烚烚

星期六12/12係一個重要日子,全港市民都一齊爲港隊打氣,全城吶喊

當日下午收工就即上老實二哥屋企開枱,兩個哥哥加兩位嫂嫂車輪戰對付我同老豆,一路打牌一路睇港東亞足球直播

睇到最緊張時候就要落去小肥牛攞位,好彩老實二哥一早BOOK咗位可以一落到去就有房。房間內仲有電視俾到我哋睇添!!

大家都好肚餓,連珈瑜都參與埋一份揀配料

而妹妹就掛住玩杯杯碟碟,因為阿妹已經晨早响叔叔屋企食咗好多粒提子

湯底嚟啦!三個男人都好努力咁張羅個湯底,而隔離個阿姐就俾傻仔炳咗一鑊,未打邊爐都已經好燥火

港隊打到加時都未能分到勝負1:1

仲有兩分鐘完場,大家都响樹等睇射十二碼超緊張

大家等睇十二碼等到悶,家姐仲悶到咬手指添!!

其一個湯底係枝竹巨魚頭湯,一個字'正"

未上配料已經飲定碗湯先,一個字"鮮"

皮蛋莧茜湯,啲皮蛋唔係太多隻,全部沉晒底

經過一輪亙射十二碼之後就分出勝負,港隊竟然贏咗個金牌返嚟!!

你睇全部人都好雀躍,最緊張莫過於家姐,相手舉起"yeah"

連出面嘅食客都齊齊歡呼,成間小肥牛都好熱鬧

叫咗好多碟牛,中間果個好似酒杯咁嘅係墨魚滑,隔離係手打墨魚丸,再隔離係桂花蚌同魚片,啲粟米又超甜,樣樣都唔錯,下次都仲可以再食過

牛肉係十蚊碟,真係好抵,另一款就廿五蚊,總之就樣樣牛都好平

我最鍾食咁大隻蠔,淥完都唔會縮水,夠晒肥美

啲細路食飽就開始攪攪陣,咁就即時送上廸士尼禮物等可以分散下佢哋嘅主意力

家姐同妹妹都好開心,仲好似淑女上身成個靜晒斯文咗!!使出佢嘅電眼功,大家見到佢咁嘅轉變都覺得好爆笑!!

阿妹仲爆笑,學人擦唇膏扮靚

襯埋條珠鏈就真係夠晒珠光寶氣

從未見過佢咁斯文

阿妹都好識擺POSE,幾有型有格

打完個邊爐,口乾乾就同傻仔兩個去咗鴻福堂食糖水

好鍾意鴻福堂嘅產品,夠晒自家製作又無味精,又多款式。最鍾意係佢哋啲湯包,雖然硬頸媽都成日有煲靚湯我飲,但有啲係平時硬頸媽唔會煲果啲就會買嚟飲。今期大力推介係天麻川芎白芷魚頭湯,簡直係同上次去丹桂軒飲嘅一模一樣,終於搵番果種味啦!!連硬頸媽試煲都煲唔出果種味來,以後都會買嚟飲

人流唔多當然係堂食啦!!

我嘅紅豆沙

傻仔啲咳仲未好,我就叫佢飲川貝枇杷止咳茶,飲完開頭都OK,之後都係話唔得

西藥又真係食夠,唯有係飲下中藥調理下,希望你快啲好番啦!!